കോ​ഴി​ക്കോ​ട്: സം​സ്ഥാ​ന​ത്തി​ന്‍റെ സ്വ​പ്‌​ന പ​ദ്ധ​തി​യാ​യ ആ​ന​ക്കാം​പൊ​യി​ല്‍ ക​ള്ളാ​ടി - മേ​പ്പാ​ടി തു​ര​ങ്ക​പാ​ത​യു​ടെ നി​ര്‍​മാ​ണോ​ദ്ഘാ​ട​നം ഇ​ന്ന് വൈ​കു​ന്നേ​രം നാ​ലി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ നി​ർ​വ​ഹി​ക്കും. കി​ഫ്ബി പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി 2134.5 കോ​ടി രൂ​പ ചെ​ല​വാ​ക്കി​യാ​ണ് തു​ര​ങ്ക​പാ​ത നി​ർ​മി​ക്കു​ന്ന​ത്.

8.73 കി​ലോ​മീ​റ്റ​ര്‍ ദൂ​രം വ​രു​ന്ന പാ​ത​യു​ടെ 8.1 കി​ലോ​മീ​റ്റ​ര്‍ ദൂ​രം ഇ​ര​ട്ട ട​ണ​ലാ​യി​ട്ടാ​ണ് വി​ഭാ​വ​നം ചെ​യ്തി​രി​ക്കു​ന്ന​ത്. ക​ഴി​ഞ്ഞ സ​ര്‍​ക്കാ​രി​ന്‍റെ നൂ​റു​ദി​ന ക​ര്‍​മ പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി​യാ​ണ് തു​ര​ങ്ക​പ്പാ​ത പ​ദ്ധ​തി​ക്കു തു​ട​ക്ക​മി​ട്ട​ത്. തു​ര​ങ്ക​പ്പാ​ത യാ​ര്‍​ഥ്യ​മാ​കു​ന്ന​തോ​ടെ ആ​ന​ക്കാം​പൊ​യി​ലി​ല്‍ നി​ന്നു 22 കി​ലോ​മീ​റ്റ​ര്‍ കൊ​ണ്ട് മേ​പ്പാ​ടി​യി​ലെ​ത്താം.

ചു​രം യാ​ത്രാ​ദു​രി​ത​ത്തി​നും ഇ​തോ​ടെ അ​റു​തി​യാ​കും. തു​ര​ങ്ക​പാ​ത യാ​ഥാ​ര്‍​ഥ്യ​മാ​വു​ന്ന​തോ​ടെ കേ​ര​ള​ത്തി​ല്‍ നി​ന്ന് ക​ര്‍​ണാ​ട​ക, ത​മി​ഴ്‌​നാ​ട് സം​സ്ഥാ​ന​ങ്ങ​ളി​ലേ​ക്കു​ള്ള യാ​ത്ര സു​ഗ​മ​മാ​കും. താ​മ​ര​ശേ​രി ചു​ര​ത്തി​നു ബ​ദ​ലാ​യി നി​ര്‍​മി​ക്കു​ന്ന നാ​ലു​വ​രി തു​ര​ങ്ക​പാ​ത​യു​ടെ നി​ര്‍​മാ​ണം തു​ട​ങ്ങു​ന്ന​തി​നു​ള്ള കേ​ന്ദ്ര പ​രി​സ്ഥി​തി മ​ന്ത്രാ​ല​യ​ത്തി​ന്‍റെ അ​ന്തി​മ അ​നു​മ​തി ജൂ​ണ്‍ 18 ന് ​ല​ഭി​ച്ചി​രു​ന്നു.

പ​ശ്ചി​മ​ഘ​ട്ട​ത്തി​ലെ മ​ല​മ്പ്ര​ദേ​ശ​ങ്ങ​ളി​ലൂ​ടെ​യാ​ണ് തു​ര​ങ്ക​പാ​ത ക​ട​ന്നു​പോ​കു​ന്ന​ത്. കോ​ഴി​ക്കോ​ട്, വ​യ​നാ​ട് ജി​ല്ല​ക​ളി​ലെ ആ​ന​ക്കാം​പൊ​യി​ല്‍ -​ ക​ള്ളാ​ടി -​ മേ​പ്പാ​ടി പ്ര​ദേ​ശ​ങ്ങ​ളെ ബ​ന്ധി​പ്പി​ക്കു​ന്ന​തി​നാ​യി അ​പ്രോ​ച്ച് പാ​ത ഉ​ള്‍​പ്പെ​ടെ 8.73 കി​ലോ​മീ​റ്റ​ര്‍ നീ​ള​മു​ള്ള നാ​ലു​വ​രി തു​ര​ങ്ക​പാ​ത​യാ​ണ് നി​ര്‍​ദി​ഷ്ട പ​ദ്ധ​തി.