സിജോ പൈനാടത്തിന് ടാഗോർ സ്മൃതി മാധ്യമപുരസ്കാരം
Friday, August 29, 2025 8:24 PM IST
തിരുവനന്തപുരം: കലാനിധി സെന്റർ ഫോർ ഇന്ത്യൻ ആർട്സ് ആൻഡ് കൾച്ചറൽ ഹെറിറ്റേജ് ട്രസ്റ്റിന്റെ രബീന്ദ്രനാഥ് ടാഗോർ സ്മൃതി മാധ്യമപുരസ്കാരം ദീപിക കൊച്ചി ബ്യൂറോ ചീഫ് സിജോ പൈനാടത്തിന്.
സന്നദ്ധ അവയവദാനം നടത്തിയവരുടെയും സ്വീകരിച്ചവരുടെയും ജീവിതങ്ങളെക്കുറിച്ചു 2024 ജൂണ് 25 മുതല് 29 വരെ ദീപികയില് പ്രസിദ്ധീകരിച്ച പകുത്തേകിയ ജീവിതങ്ങള് എന്ന പരന്പരയ്ക്കാണു പുരസ്കാരം. ഞായറാഴ്ച ഉച്ചയ്ക്കു രണ്ടിനു തിരുവനന്തപുരം സെക്രട്ടേറിയറ്റിനു സമീപത്തെ മന്നം ഹാളിൽ നടക്കുന്ന ചടങ്ങിൽ മുൻ ഡിജിപി ഡോ. ബി. സന്ധ്യ പുരസ്കാരം നൽകും.
എറണാകുളം ജില്ലയിലെ കാഞ്ഞൂര് ആറങ്കാവ് പൈനാടത്ത് പരേതരായ എസ്തപ്പാനുവിന്റെയും മറിയംകുട്ടിയുടെയും മകനാണു സിജോ. ഭാര്യ: ഡോ. സിജി സിജോ (മഞ്ഞപ്ര സെന്റ് മേരീസ് സ്കൂള് അധ്യാപിക).സ്റ്റെഫാന് എസ്.പൈനാടത്ത് (എടനാട് വിജ്ഞാനപീഠം പബ്ലിക് സ്കൂള് വിദ്യാര്ഥി) മകനാണ്.