ന്യൂ​ഡ​ൽ​ഹി: യു​എ​സ് ഭീ​ഷ​ണി​യു​ടെ സ്വ​ര​ത്തി​ലാ​ണ് സം​സാ​രി​ക്കു​ന്ന​തെ​ന്ന് ഇ​ന്ത്യ​യി​ലെ ചൈ​നീ​സ് അം​ബാ​സ​ഡ​ർ ഷു ​ഫെ​ഹോം​ഗ്. സ്വ​ത​ന്ത്ര വ്യാ​പാ​ര​ത്തി​ൽ​നി​ന്ന് എ​ന്നും നേ​ട്ട​മു​ണ്ടാ​ക്കി​യി​രു​ന്ന യു​എ​സ് ഇ​പ്പോ​ൾ വി​വി​ധ രാ​ജ്യ​ങ്ങ​ളി​ൽ​നി​ന്ന് അ​മി​ത വി​ല ആ​വ​ശ്യ​പ്പെ​ടാ​ൻ താ​രി​ഫു​ക​ൾ വി​ല​പേ​ശ​ൽ ഉ​പാ​ധി​ക​ളാ​യി ഉ​പ​യോ​ഗി​ക്കു​ക​യാ​ണെ​ന്നും അ​ദ്ദേ​ഹം കു​റ്റ​പ്പെ​ടു​ത്തി.

ഇ​ന്ത്യ​ക്ക് മേ​ൽ യു​എ​സ് 50 ശ​ത​മാ​നം വ​രെ താ​രി​ഫ് ഏ​ർ​പ്പെ​ടു​ത്തി​യ​തി​നെ​യും കൂ​ടു​ത​ൽ താ​രി​ഫു​ക​ൾ​ക്ക് ഭീ​ഷ​ണി​പ്പെ​ടു​ത്തി​യ​തി​നെ​യും ചൈ​ന ശ​ക്ത​മാ​യി എ​തി​ർ​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു. ചി​ന്ത​ൻ റി​സ​ർ​ച്ച് ഫൗ​ണ്ടേ​ഷ​ൻ (സി​ആ​ർ​എ​ഫ്) സം​ഘ​ടി​പ്പി​ച്ച പ​രി​പാ​ടി​യി​ൽ സം​സാ​രി​ക്ക​വേ​യാ​യി​രു​ന്നു അ​ദ്ദേ​ഹ​ത്തി​ന്‍റെ വാ​ക്കു​ക​ൾ.

ചൈ​ന-​ഇ​ന്ത്യ സൗ​ഹൃ​ദം ഏ​ഷ്യ​ക്ക് ഗു​ണ​ക​ര​മാ​ണെ​ന്നും ഇ​രു രാ​ജ്യ​ങ്ങ​ളും ഏ​ഷ്യ​യു​ടെ സാ​മ്പ​ത്തി​ക വ​ള​ർ​ച്ച​യു​ടെ ഇ​ര​ട്ട എ​ൻ​ജി​നു​ക​ളാ​ണെ​ന്നും അ​ദ്ദേ​ഹം വി​ശേ​ഷി​പ്പി​ച്ചു. ഇ​ന്ത്യ​യും ചൈ​ന​യും ത​മ്മി​ലു​ള്ള സ​ഹ​ക​ര​ണം ആ​ഗോ​ള സ്ഥി​ര​ത നി​ല​നി​ർ​ത്താ​ൻ അ​ത്യ​ന്താ​പേ​ക്ഷി​ത​മാ​ണെ​ന്നും അം​ബാ​സ​ഡ​ർ പ​റ​ഞ്ഞു.

ഇ​ന്ത്യ​ൻ ഉ​ത്പ​ന്ന​ങ്ങ​ളെ ചൈ​നീ​സ് വി​പ​ണി​യി​ലേ​ക്ക് സ്വാ​ഗ​തം ചെ​യ്യു​മെ​ന്നും ഇ​രു രാ​ജ്യ​ങ്ങ​ളും ത​ന്ത്ര​പ​ര​മാ​യ പ​ര​സ്പ​ര വി​ശ്വാ​സം വ​ർ​ധി​പ്പി​ക്കു​ക​യും പ​ര​സ്പ​ര സം​ശ​യം ഒ​ഴി​വാ​ക്കു​ക​യും വേ​ണം. ഇ​ന്ത്യ​ക്ക് ഐ​ടി, സോ​ഫ്റ്റ്‌​വെ​യ​ർ, ബ​യോ​മെ​ഡി​സി​ൻ എ​ന്നീ മേ​ഖ​ല​ക​ളി​ൽ മി​ക​ച്ച സാ​ധ്യ​ത​ക​ളു​ണ്ടെ​ന്നും ഇ​ല​ക്ട്രോ​ണി​ക്സ് നി​ർ​മ്മാ​ണം, അ​ടി​സ്ഥാ​ന സൗ​ക​ര്യ വി​ക​സ​നം, പു​ന​രു​പ​യോ​ഗ ഊ​ർ​ജം തു​ട​ങ്ങി​യ മേ​ഖ​ല​ക​ളി​ൽ ചൈ​ന​യ്ക്ക് വേ​ഗ​ത്തി​ൽ വി​ക​സ​നം സാ​ധ്യ​മാ​കു​ന്നു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.