പ​ല്ലെ​ക്ക​ല്ലെ: ബം​ഗ്ലാ​ദേ​ശി​നെ​തി​രാ​യ ഏ​ക​ദി​ന പ​ര​ന്പ​ര സ്വ​ന്ത​മാ​ക്കി ശ്രീ​ല​ങ്ക. മൂ​ന്ന് മ​ത്സ​ര​ങ്ങ​ളു​ടെ പ​ര​മ്പ​ര 2-1 നാ​ണ് ശ്രീ​ല​ങ്ക സ്വ​ന്ത​മാ​ക്കി​യ​ത്.

നി​ർ​ണാ​യ​ക​മാ​യ മൂ​ന്നാം മ​ത്സ​ര​ത്തി​ൽ 99 റ​ൺ​സി​ന് വി​ജ​യി​ച്ചാ​ണ് ല​ങ്ക പ​ര​മ്പ​ര വി​ജ​യം നേ​ടി​യ​ത്. പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ല്‍ ശ്രീ​ല​ങ്ക ജ​യി​ച്ച​പ്പോ​ള്‍ ര​ണ്ടാം മ​ത്സ​രം ബം​ഗ്ലാ​ദേ​ശ് ജ​യി​ച്ചി​രു​ന്നു.

മൂ​ന്നാം ഏ​ക​ദി​ന​ത്തി​ൽ ആ​ദ്യം ബാ​റ്റ് ചെ​യ്ത ശ്രീ​ല​ങ്ക കു​ശാ​ല്‍ മെ​ന്‍​ഡി​സി​ന്‍റെ സെ​ഞ്ചു​റി ക​രു​ത്തി​ല്‍ 50 ഓ​വ​റി​ല്‍ ഏ​ഴ് വി​ക്ക​റ്റ് ന​ഷ്ട​ത്തി​ല്‍ 287 റ​ണ്‍​സ​ടി​ച്ച​പ്പോ​ള്‍ ബം​ഗ്ലാ​ദേ​ശ് 39.4 ഓ​വ​റി​ല്‍ 186 റ​ണ്‍​സി​ന് ഓ​ള്‍ ഔ​ട്ടാ​യി.

287 റ​ണ്‍​സ് വി​ജ​യ​ല​ക്ഷ്യ​ത്തി​ലേ​ക്ക് ബാ​റ്റ് വീ​ശി​യ ബം​ഗ്ലാ​ദേ​ശി​ന് തു​ട​ക്ക​ത്തി​ലെ തി​രി​ച്ച​ടി​യേ​റ്റു. സ്കോ​ര് ബോ​ര്‍​ഡി​ല്‍ 19 റ​ണ്‍​സെ​ത്തി​യ​പ്പോ​ഴേ​ക്കും ഓ​പ്പ​ണ​ര്‍ ത​ന്‍​സി​ദ് ഹ​സ​ന്‍ ത​മീ​മി​നെ(13 പ​ന്തി​ല്‍ 17) അ​സി​ത ഫെ​ര്‍​ണാ​ണ്ടോ പു​റ​ത്താ​ക്കി.

തൊ​ട്ടു​പി​ന്നാ​ലെ ന​ജ്മു​ള്‍ ഹു​സൈ​ന്‍ ഷാ​ന്‍റോ റ​ണ്ണെ​ടു​ക്കാ​തെ മ​ട​ങ്ങി. മൂ​ന്നാം വി​ക്ക​റ്റി​ല്‍ പ​ര്‍​വേ​സ് ഹൊ​സൈ​നും തൗ​ഹി​ദ് ഹൃ​ദോ​യി​യും ചേ​ര്‍​ന്ന് ബം​ഗ്ലാ​ദേ​ശി​നെ 50 ക​ട​ത്തി പ്ര​തീ​ക്ഷ ന​ല്‍​കി.

എ​ന്നാ​ല്‍ സ്കോ​ര്‍ 62ല്‍ ​നി​ല്‍​ക്കെ പ​ര്‍​വേ​സ് ഹൊ​സൈ​ന(28) മ​ട​ക്കി​യ ദു​നി​ത് വ​ല്ലാ​ലെ​ഗെ കൂ​ട്ടു​കെ​ട്ട് പൊ​ളി​ച്ചു. ക്യാ​പ്റ്റ​ന്‍ മെ​ഹ്ദി ഹ​സ​ന്‍ മി​റാ​സും(28) ഹൃ​ദോ​യി​യും ചേ​ര്‍​ന്ന് ബം​ഗ്ലാ​ദേ​ശി​നെ 13.3 ഓ​വ​റി​ല്‍ 105 റ​ണ്‍​സി​ലെ​ത്തി​ച്ചെ​ങ്കി​ലും മെ​ഹ്ദി ഹ​സ​നെ മ​ട​ക്കി​യ ദു​നി​ത് വ​ല്ലാ​ലെ​ഗെ വീ​ണ്ടും ബം​ഗ്ലാ​ദേ​ശി​നെ സ​മ്മ​ര്‍​ദ്ദ​ത്തി​ലാ​ക്കി.

പി​ന്നീ​ടെ​ത്തി​യ ഷ​മീം ഹൊ​സൈ​ന്‍(12), പെ​ട്ടെ​ന്ന് മ​ട​ങ്ങി​യെ​ങ്കി​ലും ജേ​ക്ക​ർ അ​ലി​യും ഹൃ​ദോ​യി​യും ചേ​ര്‍​ന്ന് ബം​ഗ്ല​ദേ​ശി​നെ 150 ക​ട​ത്തി. എ​ന്നാ​ല്‍ ഹൃ​ദോ​യി​യെ(51) ച​മീ​ര പു​റ​ത്താ​ക്കി​യ​തി​ന് പി​ന്നാ​ലെ 33 റ​ണ്‍​സെ​ടു​ക്കു​ന്ന​തി​നി​ടെ ബം​ഗ്ലാ​ദേ​ശ് ഓ​ള്‍ ഔ​ട്ടാ​യി.

ല​ങ്ക​ക്ക് വേ​ണ്ടി അ​സി​ത ഫെ​ര്‍​ണാ​ണ്ടോ​യും ച​മീ​ര​യും മൂ​ന്ന് വി​ക്ക​റ്റ് വീ​തം വീ​ഴ്ത്തി​യ​പ്പോ​ള്‍ വ​ല്ലാ​ലെ​ഗെ​യും ഹ​സ​ര​ങ്ക​യും ര​ണ്ട് വി​ക്ക​റ്റ് വീ​തം നേ​ടി.