കൊ​ച്ചി: പു​രാ​വ​സ്തു ത​ട്ടി​പ്പു​കേ​സി​ലെ പ്ര​തി മോ​ന്‍​സ​ണ്‍ മാ​വു​ങ്ക​ലി​ന് ഹൈ​ക്കോ​ട​തി ഇ​ട​ക്കാ​ല ജാ​മ്യം അ​നു​വ​ദി​ച്ചു. ഇ​ന്ന് ന​ട​ക്കു​ന്ന മ​ക​ളു​ടെ വി​വാ​ഹ​ത്തി​ല്‍ പ​ങ്കെ​ടു​ക്കാ​നാ​ണ് കോ​ട​തി മോ​ന്‍​സ​ണ്‍ മാ​വു​ങ്ക​ലി​ന് ജാ​മ്യം അ​നു​വ​ദി​ച്ച​ത്. ഒ​രാ​ഴ്ച​ത്തേ​ക്കാ​ണ് ജാ​മ്യം.

ജ​സ്റ്റീ​സു​മാ​രാ​യ പി. ​ഗോ​പി​നാ​ഥ്, ബ​സ​ന്ത് ബാ​ലാ​ജി എ​ന്നി​വ​ര​ട​ങ്ങു​ന്ന ഡി​വി​ഷ​ന്‍ ബെ​ഞ്ചാ​ണ് ജാ​മ്യം അ​നു​വ​ദി​ച്ച​ത്. പ്ര​തി​യു​ടെ ഭാ​ര്യ ക​ഴി​ഞ്ഞ വ​ര്‍​ഷം മ​രി​ച്ച​തു​കൂ​ടി പ​രി​ഗ​ണി​ച്ചാ​ണ് ജാ​മ്യം ന​ല്‍​കി​യു​ള്ള കോ​ട​തി​യു​ടെ ഉ​ത്ത​ര​വ്.

ഒ​രു​ല​ക്ഷം രൂ​പ​യു​ടെ സ്വ​ന്തം ജാ​മ്യ​ത്തി​ലും സ​മാ​ന തു​ക​യ്ക്കു​ള​ള ര​ണ്ടു​പേ​രു​ടെ ആ​ള്‍ ജാ​മ്യ​ത്തി​ന്‍റെ അ​ടി​സ്ഥാ​ന​ത്തി​ലു​മാ​ണ് ജാ​മ്യം. സം​സ്ഥാ​നം വി​ട്ടു​പോ​ക​രു​തെ​ന്നും മേ​യ് 11ന് ​ചേ​ര്‍​ത്ത​ല പോ​ലീ​സ് സ്‌​റ്റേ​ഷ​നി​ല്‍ ഹാ​ജ​രാ​ക​ണ​മെ​ന്നും ജാ​മ്യം ന​ല്‍​കി​യു​ള​ള കോ​ട​തി ഉ​ത്ത​ര​വി​ല്‍ പ​റ​യു​ന്നു.

ഇ​ട​ക്കാ​ല ജാ​മ്യം ഒ​രു​കാ​ര​ണ​വ​ശാ​ലും നീ​ട്ടി​ല്ലെ​ന്നും വി​യ്യൂ​ര്‍ ജ​യി​ലി​ല്‍ മേ​യ് 14ന് ​വൈ​കി​ട്ട് അ​ഞ്ചി​ന് മു​ന്‍​പ് റി​പ്പോ​ര്‍​ട്ട് ചെ​യ്യ​ണ​മെ​ന്നും കോ​ട​തി നി​ര്‍​ദേ​ശ​മു​ണ്ട്. ഹ​ര്‍​ജി വീ​ണ്ടും 19ന് ​പ​രി​ഗ​ണി​ക്കാ​ന്‍ മാ​റ്റി.

പോ​ക്‌​സോ കേ​സി​ലും പ്ര​തി​യാ​ണ് മോ​ന്‍​സ​ണ്‍ മാ​വു​ങ്ക​ല്‍. ജീ​വ​ന​ക്കാ​രി​യു​ടെ മ​ക​ളെ പീ​ഡി​പ്പി​ച്ച സം​ഭ​വ​ത്തി​ലാ​ണ് ഇ​യാ​ള്‍​ക്കെ​തി​രെ പോ​ക്‌​സോ കേ​സ് നി​ല​വി​ലു​ള്ള​ത്. പു​രാ​വ​സ്തു വി​ല്പ​ന​ക്കാ​ര​നെ​ന്ന പേ​രി​ല്‍ പ​ല​രി​ല്‍ നി​ന്നാ​യി പ​ത്തു​കോ​ടി രൂ​പ​യോ​ളം ത​ട്ടി​യെ​ടു​ത്തു എ​ന്നാ​ണ് മോ​ന്‍​സ​ണ്‍ മാ​വു​ങ്ക​ലി​നെ​തി​രാ​യ കേ​സ്. 2021 സെ​പ്റ്റം​ബ​ര്‍ മു​ത​ല്‍ ക​സ്റ്റ​ഡി​യി​ല്‍ ക​ഴി​യു​ക​യാ​ണ് മോ​ൻ​സ​ൺ.