കൊ​ച്ചി: തൃ​പ്പൂ​ണി​ത്തു​റ​യി​ല്‍ ന​വ​ജാ​ത ശി​ശു​വി​നെ കൈ​മാ​റി​യ​താ​യി സം​ശ​യം. സം​ഭ​വ​ത്തി​ല്‍ പോ​ലീ​സ് അ​ന്വേ​ഷ​ണം ആ​രം​ഭി​ച്ചു. ചോ​റ്റാ​നി​ക്ക​ര സ്വ​ദേ​ശി​യാ​യ യു​വ​തി പ്ര​സ​വി​ച്ച കു​ഞ്ഞി​നെ​യാ​ണ് കോ​യ​മ്പ​ത്തൂ​ര്‍ സ്വ​ദേ​ശി​ക്ക് കൈ​മാ​റി​യ​ത്.

വി​വാ​ഹി​ത​യും ര​ണ്ടു കു​ട്ടി​ക​ളു​ടെ അ​മ്മ​യു​മാ​യ യു​വ​തി പ്ര​സ​വി​ച്ച കു​ഞ്ഞി​നെ​യാ​ണ് കൈ​മാ​റി​യ​താ​യി വി​വ​രം ല​ഭി​ച്ചി​രി​ക്കു​ന്ന​ത്. യു​വ​തി ജോ​ലി സ്ഥ​ല​ത്തു​വ​ച്ച് പ​രി​ച​യ​പ്പെ​ട്ട തൃ​ശൂ​ര്‍ സ്വ​ദേ​ശി​യു​മാ​യി കു​റ​ച്ചു​നാ​ൾ മു​ൻ​പ് നാ​ടു​വി​ട്ടി​രു​ന്നു.

എ​ന്നാ​ല്‍ മാ​സ​ങ്ങ​ള്‍​ക്കു ശേ​ഷം അ​യാ​ളു​മാ​യി തെ​റ്റി​പ്പി​രി​ഞ്ഞ് അ​ടു​ത്തി​ടെ നാ​ട്ടി​ൽ മ​ട​ങ്ങി എ​ത്തു​ക​യും ആ​ദ്യ ഭ​ര്‍​ത്താ​വ് ഇ​വ​രെ സ്വീ​ക​രി​ക്കു​ക​യും ചെ​യ്തു. അ​തി​നു ശേ​ഷ​മാ​ണ് ഇ​വ​ര്‍ കു​ഞ്ഞി​ന് ജ​ന്മം ന​ല്‍​കി​യ​ത്. തൃ​ശൂ​ര്‍ സ്വ​ദേ​ശി​യു​ടെ കു​ഞ്ഞി​നെ വ​ള​ര്‍​ത്താ​ന്‍ ഭ​ര്‍​ത്താ​വും വീ​ട്ടു​കാ​രും ത​യാ​റാ​കാ​ത്ത​തി​നാ​ലാ​ണ് ഇ​വ​ര്‍ കു​ഞ്ഞി​നെ കൈ​മാ​റി​യ​തെ​ന്നാ​ണ് പോ​ലീ​സ് സം​ശ​യി​ക്കു​ന്ന​ത്.

ആ​ശാ​വ​ര്‍​ക്ക​ര്‍​മാ​ര്‍ മു​ഖേ​ന​യാ​ണ് സം​ഭ​വം പു​റ​ത്ത​റി​യു​ന്ന​ത്. തു​ട​ർ​ന്നാ​ണ് പോ​ലീ​സി​നെ വി​വ​രം അ​റി​യി​ക്കു​ന്ന​ത്. തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ലാ​ണ് ഇ​വ​രു​ടെ പ്ര​സ​വം ന​ട​ന്ന​തെ​ന്നാ​ണ് പോ​ലീ​സ് പ​റ​യു​ന്ന​ത്.

ചോ​റ്റാ​നി​ക്ക​ര പോ​ലീ​സ് യു​വ​തി​യെ വി​ളി​പ്പി​ച്ച് വി​വ​ര​ങ്ങ​ൾ തേ​ടി​യി​രു​ന്നു. എ​ത്ര​യും പെ​ട്ടെ​ന്ന് കു​ഞ്ഞി​നെ ശി​ശു​ക്ഷേ​മ സ​മി​തി​യെ ഏ​ൽ​പ്പി​ക്കാ​ന്‍ ആ​വ​ശ്യ​പ്പെ​ട്ട​താ​യാ​ണ് പോ​ലീ​സ് ന​ൽ​കു​ന്ന വി​വ​രം.