കൊ​ല്ലം: കോ​ട്ടു​ക്ക​ൽ ദേ​വി ക്ഷേ​ത്ര​ത്തി​ലെ ആ​ർ​എ​സ്എ​സ് ഗ​ണ​ഗീ​ത വി​വാ​ദ​ത്തി​ൽ ഉ​പ​ദേ​ശ​ക സ​മി​തി​യെ പി​രി​ച്ചു വി​ട്ട് തി​രു​വി​താം​കൂ​ർ ദേ​വ​സ്വം ബോ​ർ​ഡ്. ഉ​ത്സ​വാ​ഘോ​ഷ​ത്തി​ലെ ഗാ​ന​മേ​ള​യി​ൽ ഗ​ണ​ഗീ​തം പാ​ടി​യ​തി​ൽ ഉ​പ​ദേ​ശ​ക സ​മി​തി​ക്ക് വീ​ഴ്ച പ​റ്റി​യെ​ന്ന് ക​ണ്ടെ​ത്തി​യ​തി​നെ തു​ട​ർ​ന്നാ​ണ് തി​രു​വി​താം​കൂ​ർ ദേ​വ​സ്വം ബോ​ർ​ഡി​ന്‍റെ ന​ട​പ​ടി.

ക്ഷേ​ത്ര പ​രി​സ​ര​ത്ത് ആ​ർ​എ​സ്എ​സി​ന്‍റെ കൊ​ടി​യും തോ​ര​ണ​ങ്ങ​ളും കെ​ട്ടി​യെ​ന്ന പ​രാ​തി​യി​ൽ കൊ​ട്ടാ​ര​ക്ക​ര ദേ​വ​സ്വം അ​സി​സ്റ്റ​ൻ​റ് ക​മ്മീ​ഷ​ണ​ർ അ​ന്വേ​ഷ​ണം ന​ട​ത്തു​ന്ന​തി​നി​ടെ​യാ​ണ് ഗാ​ന​മേ​ള​യി​ൽ ഗ​ണ​ഗീ​തം പാ​ടി​യ​ത്. ഇ​ത് ബോ​ധ​പൂ​ർ​വ്വം ചെ​യ്ത​തെ​ന്നാ​ണ് ദേ​വ​സ്വം ബോ​ർ​ഡി​ന്‍റെ വി​ല​യി​രു​ത്ത​ൽ.

ക്ഷേ​ത്ര​പ​രി​സ​രം രാ​ഷ്ട്രീ​യ പ്ര​ച​ര​ണ​ത്തി​ന് ഉ​പ​യോ​ഗി​ച്ചെ​ന്ന നാ​ട്ടു​കാ​ര​ന്‍റെ പ​രാ​തി​യി​ൽ ക​ട​യ്ക്ക​ൽ പോ​ലീ​സ് എ​ടു​ത്ത കേ​സി​ലും അ​ന്വേ​ഷ​ണം തു​ട​രു​ക​യാ​ണ്. നേ​ര​ത്തെ വി​പ്ല​വ ഗാ​ന വി​വാ​ദ​ത്തി​ന്‍റെ പ​ശ്ചാ​ത്ത​ല​ത്തി​ൽ ക​ട​യ്ക്ക​ൽ ദേ​വി ക്ഷേ​ത്ര​ത്തി​ലെ ഉ​പ​ദേ​ശ​ക സ​മി​തി​യെ​യും ദേ​വ​സ്വം ബോ​ർ​ഡ് പി​രി​ച്ചു വി​ട്ടി​രു​ന്നു.

ക​ഴി​ഞ്ഞ ദി​വ​സ​മാ​ണ് കോ​ട്ടു​ക്ക​ല്‍ മ​ഞ്ഞി​പ്പു​ഴ ദേ​വീ ക്ഷേ​ത്ര​ത്തി​ല്‍ ഗാ​ന​മേ​ള ന​ട​ന്ന​ത്. ആ​ളു​ക​ളു​ടെ ആ​വ​ശ്യ​പ്ര​കാ​ര​മാ​ണ് ഗ​ണ​ഗീ​തം പാ​ടി​യ​തെ​ന്നാ​യി​രു​ന്നു സം​ഭ​വ​ത്തി​ല്‍ ഗാ​ന​മേ​ള ട്രൂ​പ്പി​ലെ അം​ഗ​ങ്ങ​ള്‍ ന​ല്‍​കി​യ വി​ശ​ദീ​ക​ര​ണം.

കോ​ട്ടു​ക്ക​ലി​ലെ ടീം ഛ​ത്ര​പ​തി എ​ന്ന സം​ഘ​മാ​ണ് ഗാ​ന​മേ​ള സ്പോ​ണ്‍​സ​ര്‍ ചെ​യ്ത​ത്. അ​വ​ര്‍ നേ​ര​ത്തെ ത​ന്നെ ഈ ​പാ​ട്ട് പാ​ട​ണ​മെ​ന്ന് നി​ര്‍​ദേ​ശി​ച്ചി​രു​ന്ന​താ​യും ഗാ​ന​മേ​ള ട്രൂ​പ്പ് അ​ധി​കൃ​ത​ര്‍ വ്യ​ക്ത​മാ​ക്കി​യി​രു​ന്നു. ആ​ര്‍​എ​സ്എ​സു​മാ​യി ബ​ന്ധ​പ്പെ​ട്ട ര​ണ്ട് പാ​ട്ട് പാ​ട​ണ​മെ​ന്നാ​യി​രു​ന്നു ആ​വ​ശ്യം. എ​ന്നാ​ല്‍, അ​തി​ലൊ​ന്ന് ത​ങ്ങ​ള്‍​ക്ക് അ​റി​യി​ല്ലെ​ന്ന് മ​റു​പ​ടി ന​ല്‍​കി​യി​രു​ന്നു. മ​റ്റൊ​രു പാ​ട്ടാ​ണ് പാ​ടി​യ​ത്. നാ​ഗ​ര്‍​കോ​വി​ല്‍ ബേ​ര്‍​ഡ്സ് എ​ന്ന ഗാ​ന​മേ​ള ട്രൂ​പ്പാ​ണ് പ​രി​പാ​ടി അ​വ​ത​രി​പ്പി​ച്ച​ത്.