തൃ​ശൂ​ർ: ജ​ബ​ല്‍​പൂ​രി​ല്‍ വി​എ​ച്ച്പി ആ​ക്ര​മ​ണ​ത്തി​നി​ര​യാ​യ ഫാ​ദ​ർ ഡേ​വി​സ് ജോ​ര്‍​ജി​ന് സ​ര്‍​ക്കാ​രി​ന്‍റെ പി​ന്തു​ണ​യ​റി​യി​ച്ച് മ​ന്ത്രി കെ.​രാ​ജ​ന്‍. സ​ര്‍​ക്കാ​രും നാ​ടും ഒ​പ്പ​മു​ണ്ടെ​ന്ന് മ​ന്ത്രി ഫാ.​ഡേ​വി​സി​നെ ഫോ​ണി​ല്‍ വി​ളി​ച്ച് അ​റി​യി​ച്ചു. ഫാ.​ഡേ​വി​സി​ന്‍റെ കു​ട്ട​ന​ല്ലൂ​രി​ലെ വ​സ​തി​യി​ലും മ​ന്ത്രി സ​ന്ദ​ര്‍​ശ​നം ന​ട​ത്തി.

കി​രാ​ത​മാ​യ ആ​ക്ര​മ​ണ​മാ​ണ് ജ​ബ​ൽ​പൂ​രി​ൽ ഉ​ണ്ടാ​യ​തെന്ന് മന്ത്രി പ്രതികരിച്ചു. ഇ​പ്പോ​ഴും ആ​ശ​ങ്ക ഒ​ഴി​ഞ്ഞു മാ​റു​ന്നി​ല്ലെ​ന്നും ഭീ​തി ന​ൽ​കു​ന്ന​താ​ണ് അ​വി​ടു​ത്തെ സാ​ഹ​ച​ര്യ​മെ​ന്നും മ​ന്ത്രി പ​റ​ഞ്ഞു.

സം​സ്ഥാ​ന സ​ർ​ക്കാ​ർ സം​ഭ​വം ഉ​ണ്ടാ​യ​പ്പോ​ൾ ത​ന്നെ അ​വി​ടു​ത്തെ സ​ർ​ക്കാ​രു​മാ​യി ബ​ന്ധ​പ്പെ​ട്ടു. ഒ​രി​ക്ക​ലും അം​ഗീ​ക​രി​ക്കാ​ൻ ക​ഴി​യാ​ത്ത കാ​ര്യ​ങ്ങ​ളാ​ണ് ഉ​ണ്ടാ​വു​ന്ന​തെ​ന്നും മ​ന്ത്രി കൂ​ട്ടി​ച്ചേ​ര്‍​ത്തു.

ജ​ബ​ൽ​പു​ർ രൂ​പ​ത​യ്ക്ക് കീ​ഴി​ലു​ള്ള മാ​ണ്ഡ​ല ഇ​ട​വ​ക​യി​ലെ ഒ​രു​കൂ​ട്ടം ക​ത്തോ​ലി​ക്ക വി​ശ്വാ​സി​ക​ൾ ജൂ​ബി​ലി​യു​ടെ ഭാ​ഗ​മാ​യി ജ​ബ​ൽ​പു​രി​ലെ​ത​ന്നെ വി​വി​ധ ക​ത്തോ​ലി​ക്ക പ​ള്ളി​ക​ളി​ലേ​ക്ക് തീ​ർ​ഥാ​ട​നം ന​ട​ത്തു​ന്ന​തി​നി​ട​യി​ലാ​യി​രു​ന്നു അ​ക്ര​മം.

ഹി​ന്ദു​ത്വ​സം​ഘ​ട​ന​യു​ടെ നേ​തൃ​ത്വ​ത്തി​ൽ ഒ​രു​കൂ​ട്ടം ആ​ളു​ക​ൾ വി​ശ്വാ​സി​ക​ളെ ത​ട​യു​ക​യും അ​വ​രെ ഒം​തി പോ​ലീ​സ് സ്റ്റേ​ഷ​നി​ലേ​ക്കു മാ​റ്റു​ക​യു​മാ​യി​രു​ന്നു. ഇ​തോ​ടെ വി​ശ്വാ​സി​ക​ളു​ടെ യാ​ത്ര ത​ട​സ​പ്പെ​ട്ടു. കു​റ​ച്ച് സ​മ​യ​ത്തി​നു​ശേ​ഷം വി​ശ്വാ​സി​ക​ളെ പോ​ലീ​സ് വി​ട്ട​യ​ച്ചെ​ങ്കി​ലും വീ​ണ്ടും മ​റ്റൊ​രി​ട​ത്ത് ത​ട​യു​ക​യും പോ​ലീ​സ് സ്റ്റേ​ഷ​നി​ലേ​ക്ക് കൊ​ണ്ടു​പോ​കു​ക​യു​മാ​യി​രു​ന്നു.

തു​ട​ർ​ന്ന് ജ​ബ​ൽ​പു​ർ വി​കാ​രി ജ​ന​റ​ൽ ഫാ. ​ഡേ​വി​സും രൂ​പ​താ പ്രൊ​ക്യു​റേ​റ്റ​ർ ഫാ. ​ജോ​ർ​ജും വി​ശ്വാ​സി​ക​ൾ​ക്ക് സ​ഹാ​യ​വു​മാ​യി എ​ത്തി. എ​ന്നാ​ൽ ഒ​രു​കൂ​ട്ടം ഹി​ന്ദു സം​ഘ​ട​ന​യു​ടെ പ്ര​വ​ർ​ത്ത​ക​ർ പു​രോ​ഹി​ത​രെ​യും മ​ർ​ദി​ച്ചു.

തു​ട​ർ​ന്ന് സം​ഘ​ർ​ഷം ഒ​ഴി​വാ​ക്കാ​ൻ പു​രോ​ഹി​ത​ർ വി​ശ്വാ​സി​ക​ളോ​ട് ആ​വ​ശ്യ​പ്പെ​ട്ടു. പി​ന്നീ​ട് പോ​ലീ​സ് ഇ​ട​പെ​ട്ട് പു​രോ​ഹി​ത​രെ​യും തീ​ർ​ഥാ​ട​ക​രെ​യും മോ​ചി​പ്പി​ച്ചു. വ്യാപക പ്രതിഷേധം ഉയർന്നതോടെ സംഭവം നടന്ന് നാ​ല് ദി​വ​സ​ത്തി​നു ശേ​ഷം മ​ധ്യ​പ്ര​ദേ​ശ് പോ​ലീ​സ് കേ​സെ​ടു​ത്തിരുന്നു.