വർക്കലയിൽ പോക്സോ കേസിൽ തമിഴ്നാട് സ്വദേശികൾ പിടിയിൽ
Saturday, April 5, 2025 8:44 AM IST
തിരുവനന്തപുരം: പോക്സോ കേസിൽ പ്രതികളായ രണ്ട് തമിഴ്നാട് സ്വദേശികൾ വർക്കലയിൽ അറസ്റ്റിൽ. പാപനാശം വിനോദസഞ്ചാരമേഖലയിൽ ഒളിവിൽ കഴിഞ്ഞ നിർമൽ(19), സുഹൃത്തായ 17കാരൻ എന്നിവരാണ് പിടിയിലായത്.
കോയമ്പത്തൂർ പേരൂർ പോലീസ് സ്റ്റേഷൻ പരിധിയിൽ 15കാരിയായ പെൺകുട്ടിയെ ലൈംഗീകമായി ഉപദ്രവിച്ച കേസിലെ പ്രതികളാണ് ഇരുവരും.
സംഭവത്തിൽ മൂന്നുദിവസം മുൻപാണ് ഇവർക്കെതിരേ പോലീസ് കേസെടുത്തത്. തുടർന്ന് ഇവർ വർക്കലയിലെത്തി ലോഡ്ജിൽ മുറിയെടുത്ത് ഒളിവിൽ കഴിഞ്ഞുവരുകയായിരുന്നു.
പ്രതികളുടെ മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ ഇവർ വർക്കലയിലുണ്ടെന്ന സൂചന ലഭിച്ചിരുന്നു.
തമിഴ്നാട് പോലീസ് കൈമാറിയ വിവരങ്ങളുടെ അടിസ്ഥാനത്തിൽ വർക്കല ഡിവൈഎസ്പിയുടെ നിർദേശാനുസരണം ടൂറിസം പോലീസ് പാപനാശം മേഖലയിൽ നടത്തിയ തിരച്ചിലിലാണ് ഇവർ പിടിയിലായത്. പ്രതികളെ കോയമ്പത്തൂർ പോലീസിനു കൈമാറി.