കേരള സർക്കാരിന് പ്രതിരോധം തീർക്കണം; പ്രമേയം പാസാക്കി സിപിഎം 24-ാം പാർട്ടി കോൺഗ്രസ്
Friday, April 4, 2025 5:58 PM IST
മധുര: കേരള സർക്കാരിന് പ്രതിരോധം തീർക്കണമെന്ന പ്രമേയം സിപിഎമ്മിന്റെ 24ാം പാർട്ടി കോൺഗ്രസ് പാസാക്കി. പോളിറ്റ് ബ്യൂറോ അംഗം മുഹമ്മദ് സലീമാണ് പ്രമേയം അവതരിപ്പിച്ചത്.
കേന്ദ്ര ഏജൻസികൾ കേരള മുഖ്യമന്ത്രിയെയും കുടുംബത്തെയും ലക്ഷ്യം വയ്ക്കുന്നുവെന്ന് പ്രമേയത്തിൽ ചൂണ്ടിക്കാട്ടി. കേന്ദ്ര ഏജൻസികളെ രാഷ്ട്രീയമായി നേരിടുമെന്ന് മുഹമ്മദ് സലീം വാർത്താ സമ്മേളനത്തിൽ പറഞ്ഞു.
എന്നാൽ കേസ് നേരിടുന്നവർ തന്നെ നിയമപരമായി കേസിനെ നേരിടും. പാർട്ടി ഇതിൽ ഭാഗമാകില്ലെന്നും അദ്ദേഹം വ്യക്തമാക്കി.