കെട്ടുകാഴ്ചയ്ക്ക് മുകളിൽ നിന്ന് വീണ് യുവാവിന് ദാരുണാന്ത്യം
Wednesday, April 2, 2025 9:33 PM IST
ചെങ്ങന്നൂർ: കെട്ടുകാഴ്ചയുടെ മുകളിൽ കയറുന്നതിനിടെ കാൽ വഴുതി റോഡിൽ വീണ് യുവാവിന് ദാരുണാന്ത്യം.
മുളക്കുഴ ഗന്ധർവമുറ്റം ഭഗവതി ക്ഷേത്രത്തിലെ കെട്ടുകാഴ്ച എഴുന്നള്ളപ്പിനിടെയുണ്ടായ അപകടത്തിൽ മുളക്കുഴ മോഡി തെക്കേതിൽ പ്രമോദ് (49) ആണ് മരിച്ചത്. ബുധനാഴ്ച വൈകുന്നേരം നാലിനായിരുന്നു സംഭവം.
അപകടം നടന്ന ഉടനെ പ്രമോദിനെ ചെങ്ങന്നൂർ ജില്ലാ ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടു നൽകും.