ആഢംബര കാർ ചായക്കടയിലേക്ക് ഇടിച്ചുകയറി ഒരാൾ മരിച്ചു
Wednesday, April 2, 2025 10:41 AM IST
ചെന്നൈ: നിയന്ത്രണം വിട്ട ആഢംബര കാർ ചായക്കടയിലേക്ക് ഇടിച്ചുകയറി ഒരാൾ മരിച്ചു. കന്യാകുമാരി തക്കലക്ക് സമീപമാണ് അപകടമുണ്ടായത്.
തക്കല മുട്ടയ്ക്കാട് സ്വദേശി ആരോഗ്യ ( 47) ആണ് മരിച്ചത്. ഇന്ന് രാവിലെ എട്ടൊടെയായിരുന്നു അപകടം.
നിയന്ത്രണം വിട്ട കാർ ചായ കുടിച്ചുകൊണ്ടിരുന്നവർക്കിടയിലേക്ക് ഇടിച്ചു കയറുകയായിരുന്നു. വാഹനം ഓടിച്ച ജെബിനെ പോലീസ് അറസ്റ്റു ചെയ്തു.