ഇംഗ്ലീഷ് പ്രീമിയർ ലീഗ്: മാഞ്ചസ്റ്റർ യുണൈറ്റഡിനെതിരെ നോട്ടിംഗ്ഹാം ഫോറസ്റ്റിന് ജയം
Wednesday, April 2, 2025 4:58 AM IST
നോട്ടിംഗ്ഹാം: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിനെതിരായ മത്സരത്തിൽ നോട്ടിംഗ്ഹാം ഫോറസ്റ്റിന് ജയം. എതിരില്ലാത്ത ഒരു ഗോളിനാണ് നോട്ടിംഗ്ഹാം വിജയിച്ചത്.
നോട്ടിംഗ്ഹാമിലെ സിറ്റി ഗ്രൗണ്ടിൽ നടന്ന മത്സരത്തിൽ നോട്ടിഗ്ഹാം ഫോറസ്റ്റിന് വേണ്ടി ആന്റണി ഇലാംഗയാണ് ഗോൾ നേടിയത്. മത്സരത്തിന്റെ അഞ്ചാം മിനിറ്റിലാണ് താരം ഗോൾ കണ്ടെത്തിയത്.
വിജയത്തോടെ നോട്ടിംഗ്ഹാമിന് 57പോയിന്റായി. നിലവിൽ പോയിന്റ് ടേബിളിൽ മൂന്നാം സ്ഥാനത്താണ് നോട്ടിംഗ്ഹാം ഫോറസ്റ്റ്.