കൊ​ച്ചി: കൊ​ല്ലം ക​ട​യ്ക്ക​ൽ ക്ഷേ​ത്ര​ത്തി​ലെ ഉ​ത്സ​വ​ത്തി​നി​ടെ വി​പ്ല​വ ഗാ​നം അ​ല​പി​ച്ച സം​ഭ​വ​ത്തി​ൽ രൂ​ക്ഷ​വി​മ​ർ​ശ​ന​വു​മാ​യി ഹൈ​ക്കോ​ട​തി. ക​ഴി​ഞ്ഞ 10ന് ​ക്ഷേ​ത്ര​ത്തി​ൽ ഗാ​യ​ക​ൻ അ​ലോ​ഷി​യു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​പാ​ടി​യി​ലാ​ണ് വി​പ്ല​വ ഗാ​നം ആ​ല​പി​ച്ച​ത്.

ഇ​ത് ക്ഷേ​ത്ര ഉ​ത്സ​വ​മാ​ണ്. അ​ല്ലാ​തെ കോ​ള​ജ് ആ​ന്വ​ൽ ഡേ​യോ രാ​ഷ്ട്രീ​യ പാ​ർ​ട്ടി​യു​ടെ പ​രി​പാ​ടി​യോ അ​ല്ലെ​ന്ന് കോ​ട​തി പ​റ​ഞ്ഞു. ക്ഷേ​ത്ര​വു​മാ​യി ബ​ന്ധ​പ്പെ​ട്ട പ​രി​പാ​ടി​ക​ളും ക്ഷേ​ത്ര ച​ട​ങ്ങു​ക​ളും അ​തോ​ടൊ​പ്പം ക്ഷേ​ത്ര​ത്തി​ൽ ന​ട​ത്താ​ൻ ക​ഴി​യു​ന്ന മ​റ്റ് പ​രി​പാ​ടി​ക​ളും മാ​ത്ര​മേ ന​ട​ത്താ​ൻ പാ​ടു​ള്ളൂ.

ക്ഷേ​ത്രം ഏ​തെ​ങ്കി​ലും രാ​ഷ്ട്രീ​യ പാ​ർ​ട്ടി​ക​ളു​ടെ വി​പ്ല​വ​ഗാ​ന​ങ്ങ​ൾ ആ​ല​പി​ക്കാ​നു​ള്ള ഇ​ട​മ​ല്ലെ​ന്നും കോ​ട​തി വ്യ​ക്ത​മാ​ക്കി. കേ​സി​ൽ ദേ​വ​സ്വം സെ​ക്ര​ട്ട​റി​യെ കൂ​ടി ക​ക്ഷി ചേ​ർ​ത്തു. ആ​രാ​ണ് പ​രി​പാ​ടി ന​ട​ത്തി​യ​തെ​ന്നും ആ​രാ​ണ് പ​രി​പാ​ടി​ക്ക് പ​ണം മു​ട​ക്കി​യ​തെ​ന്നും കോ​ട​തി ചോ​ദി​ച്ചു.

ക്ഷേ​ത്ര ഉ​പ​ദേ​ശ​ക സ​മി​തി​യാ​ണ് പ​രി​പാ​ടി സം​ഘ​ടി​പ്പി​ച്ച​തെ​ന്നാ​ണ് തി​രു​വി​താം​കൂ​ർ ദേ​വ​സ്വം ഹൈ​ക്കോ​ട​തി​യി​ൽ ന​ൽ​കി​യ മ​റു​പ​ടി​യി​ൽ പ​റ​യു​ന്ന​ത്. സ​ർ​ക്കാ​രി​ന്‍റെ നി​ല​പാ​ടും കോ​ട​തി തേ​ടി​യി​ട്ടു​ണ്ട്.