കള്ളിൽ കൃത്രിമം; ആറു ഷാപ്പുകളുടെ ലൈസൻസ് റദ്ദാക്കും
Monday, March 17, 2025 5:38 PM IST
പാലക്കാട്: കള്ളിൽ കൃത്രിമം കാണിച്ച ആറു ഷാപ്പുകളുടെ ലൈസൻസ് റദ്ദാക്കും. പാലക്കാട് ചിറ്റൂർ റേഞ്ചിലെ ഷാപ്പുകളിൽ ചുമ മരുന്നിന്റെ സാന്നിധ്യം കണ്ടെത്തിയതിനെ തുടർന്നാണ് നടപടി.
കള്ളിന്റെ സാംപിളിൽ ചുമ മരുന്നില് ഉപയോഗിക്കുന്ന ബനാട്രിൽ എന്ന രാസപദാർത്ഥത്തിന്റെ സാന്നിധ്യം സ്ഥിരീകരിക്കുകയായിരുന്നു. മോളക്കാട്, മീനാക്ഷിപുരം, ഗോപാലപുരം, കുറ്റിപ്പള്ളം, അഞ്ചുവെള്ളക്കാട്, വെമ്പ്രവെസ്റ്റ് എന്നീ ഷാപ്പുകളിലാണ് ചുമമരുന്നിന്റെ സാന്നിധ്യം കണ്ടെത്തിയത്.
കുറ്റിപ്പള്ളം, വണ്ണാമ ഷാപ്പുകളിൽ നേരത്തെ കൃത്രിമം കണ്ടെത്തിയതിനെ തുടർന്ന് ലൈസൻസ് റദ്ദാക്കിയിരുന്നു. ചിറ്റൂരിൽ മാത്രം ആറ് ഷാപ്പുകളിലാണ് ചുമരുന്നിന്റെ സാന്നിധ്യം കണ്ടെത്തിയത്.