തി​രു​വ​ന​ന്ത​പു​രം: ആ​ശാപ്ര​വ​ർ​ത്ത​ക​രു​ടെ സ​മ​രം സം​ബ​ന്ധി​ച്ച പ്ര​തി​പ​ക്ഷ​ത്തി​ന്‍റെ അ​ടി​യ​ന്ത​ര​പ്ര​മേ​യ നോ​ട്ടീ​സി​ൽ സ്പീ​ക്ക​ർ അ​നു​മ​തി നി​ഷേ​ധി​ച്ചു. വാ​ക്കൗ​ട്ട് പ്ര​സം​ഗം നീ​ണ്ടു​പോ​യ​തി​നെ ചൊ​ല്ലി പ്ര​തി​പ​ക്ഷ നേ​താ​വ് വി.​ഡി സ​തീ​ശ​നും സ്പീ​ക്ക​ര്‍ എ.​എ​ന്‍ ഷം​സീ​റും ത​മ്മി​ൽ ത​ർ​ക്ക​മു​ണ്ടാ​യി.

സ​മ​യം ക​ഴി​ഞ്ഞാ​ൽ മൈ​ക്ക് ക​ട്ട് ചെ​യ്യു​മെ​ന്ന് സ്പീ​ക്ക​ർ അ​റി​യി​ച്ചു. പ​റ​യാ​നു​ള്ള​ത് പ​റ​യു​മെ​ന്ന് പ്ര​തി​പ​ക്ഷ നേ​താ​വ് പ​റ​ഞ്ഞു. എ​ന്നാ​ൽ കൂ​ടു​ത​ൽ സ​മ​യം അ​നു​വ​ദി​ക്കാ​നാ​വി​ല്ലെ​ന്നും ശ്ര​ദ്ധ ക്ഷ​ണി​ക്ക​ലി​ലേ​ക്ക് ക​ട​ക്കു​ക​യാ​ണെ​ന്നും സ്പീ​ക്ക​ർ നി​ല​പാ​ടെ​ടു​ത്തു. സ​ഭാ​ന​ട​പ​ടി​ക​ൾ തു​ട​ർ​ന്ന​തോ​ടെ സ്പീ​ക്ക​റു​ടെ ഡ​യ​സി​ന് മു​ന്നി​ൽ ബാ​ന​ർ ഉ​യ​ർ​ത്തി പ്ര​തി​പ​ക്ഷം പ്ര​തി​ഷേ​ധി​ച്ചു.

കേ​ര​ള​ത്തി​ലാ​ണ് ആ​ശ​മാ​ര്‍​ക്ക് ഏ​റ്റ​വും ഉ​യ​ര്‍​ന്ന വേ​ത​ന​മെ​ന്ന ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന്‍റെ വാ​ദം ക​ള്ള​മാ​ണെ​ന്ന് പ്ര​മേ​യം അ​വ​ത​രി​പ്പി​ച്ച രാ​ഹു​ല്‍ മാ​ങ്കൂ​ട്ട​ത്തി​ല്‍ പ​റ​ഞ്ഞു. സി​ക്കി​മി​ൽ ആ​ശ​മാ​ർ​ക്ക് 1000 രൂ​പ​യാ​ണ് വേ​ത​ന​മെ​ന്നും പ​ശ്ചി​മ ബം​ഗാ​ളി​ൽ ആ​ശ വ​ർ​ക്കേ​ഴ്സി​ന് വി​ര​മി​ക്ക​ൽ ആ​നു​കൂ​ല്യം അ​ഞ്ച് ല​ക്ഷം രൂ​പ​യാ​ണെ​ന്നും അ​ടി​യ​ന്ത​ര പ്ര​മേ​യ​ത്തി​ന് നോ​ട്ടീ​സ് ന​ൽ​കി​യ രാ​ഹു​ൽ പ​റ​ഞ്ഞു.

ആ​ഴ്ച​യി​ൽ ഏ​ഴു ദി​വ​സ​വും ജോ​ലി ചെ​യ്യു​ന്ന​വ​ർ​ക്ക് കേ​ര​ള​ത്തി​ൽ ന​ൽ​കു​ന്ന​ത് വെ​റും 7000 രൂ​പ​യാ​ണ്. എ​ന്തു പ​റ​ഞ്ഞാ​ലും കേ​ര​ള​ത്തേ​ക്കാ​ൾ പി​ന്നി​ലു​ള്ള സം​സ്ഥാ​ന​ത്തെ​വ​ച്ച് താ​ര​ത​മ്യം ചെ​യ്യു​മെ​ന്നും രാ​ഹു​ൽ കു​റ്റ​പ്പെ​ടു​ത്തി.

പ്ര​മേ​യ അ​വ​താ​ര​ക​ന് വി​ഷ​യ​ത്തേ​ക്കു​റി​ച്ച് ധാ​ര​ണ​യി​ല്ലെ​ന്നും ആ​ശ​മാ​രെ​ക്കു​റി​ച്ചും അ​വ​രു​ടെ പ്ര​വ​ർ​ത്ത​ന​ത്തെ​ക്കു​റി​ച്ചും അ​റി​യാ​ത്ത യൂ​ത്ത് കോ​ൺ​ഗ്ര​സ് അ​ധ്യ​ക്ഷ​ൻ എ​സ്‌യു​സി​ഐ​യു​ടെ നാ​വാ​യി മാ​റി​യെ​ന്നും ആ​രോ​ഗ്യ​മ​ന്ത്രി വീ​ണ ജോ​ർ​ജ് തി​രി​ച്ച​ടി​ച്ചു.

ആ​ശ​മാ​രു​ടെ വേ​ത​നം 1000 രൂ​പ​യി​ൽ നി​ന്ന് 7000 രൂ​പ​യാ​ക്കി മാ​റ്റി​യ​ത് എ​ൽ​ഡി​എ​ഫ് സ​ർ​ക്കാ​ർ ആ​ണ്. സി​ക്കി​മി​ൽ ഓ​ണ​റേ​റി​യം 10000 രൂ​പ ഇ​ല്ല, 6000 രൂ​പ​യെ ഉ​ള്ളൂ. ഏ​റ്റ​വും ഉ​യ​ർ​ന്ന വേ​ത​നം കേ​ര​ള​ത്തി​ൽ ത​ന്നെ. രാ​ഹു​ൽ മാ​ങ്കൂ​ട്ട​ത്തി​ൽ സ​ഭ​യെ തെ​റ്റി​ദ്ധ​രി​പ്പി​ക്ക​രു​തെ​ന്നും മ​ന്ത്രി പ​റ​ഞ്ഞു.

അ​തേ​സ​മ​യം ആ​ശ​മാ​രു​ടെ ഓ​ണ​റേ​റി​യം സം​ബ​ന്ധി​ച്ച് ആ​രോ​ഗ്യ​മ​ന്ത്രി പ​റ​ഞ്ഞ​ത് തെ​റ്റാ​യ ക​ണ​ക്കാ​ണെ​ന്ന് സ​തീ​ശ​ന്‍ വി​മ​ര്‍​ശി​ച്ചു.