തി​രു​വ​ന​ന്ത​പു​രം: കെ​പി​സി​സി അ​ടി​മു​ടി അ​ഴി​ച്ചു പ​ണി​യ​ണ​മെ​ന്ന് കേ​ര​ള​ത്തി​ന്‍റെ ചു​മ​ത​ല​യു​ള്ള ദീ​പാ ദാ​സ് മു​ൻ​ഷി ഹൈ​ക്ക​മാ​ൻ​ഡി​ന് റി​പ്പോ​ർ​ട്ട് ന​ൽ​കി. കെ. ​സു​ധാ​ക​ര​നെ മാ​റ്റി പു​തി​യ അ​ധ്യ​ക്ഷ​നെ നി​യോ​ഗി​ക്ക​ണ​മെ​ന്നും റി​പ്പോ​ർ​ട്ടി​ലു​ണ്ടെ​ന്നാ​ണ് വി​വ​രം. കേ​ര​ള​ത്തി​ലെ നേ​താ​ക്ക​ളു​മാ​യി ന​ട​ത്തി​യ കൂ​ടി​ക്കാ​ഴ്ച​യ്ക്ക് പി​ന്നാ​ലെ​യാ​ണ് റി​പ്പോ​ർ​ട്ട് കൈ​മാ​റി​യ​ത്.

അ​തേ​സ​മ​യം ഹൈ​ക്ക​മാ​ൻ​ഡ് വി​ളി​പ്പി​ച്ച കേ​ര​ള​ത്തി​ൽ​നി​ന്നു​ള്ള പ്ര​ധാ​ന നേ​താ​ക്ക​ളു​ടെ യോ​ഗം നാ​ളെ ഡ​ൽ​ഹി​യി​ൽ ന​ട​ക്കും. പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി, മ​ല്ലി​കാ​ർ​ജു​ൻ ഖാ​ർ​ഗെ എ​ന്നി​വ​ർ നേ​താ​ക്ക​ളെ പ്ര​ത്യേ​കം കാ​ണും. ഐ​ക്യ​ത്തോ​ടെ മു​ന്നോ​ട്ട് പോ​ക​ണ​മെ​ന്ന് നേ​താ​ക്ക​ളോ​ട് ആ​വ​ശ്യ​പ്പെ​ടും. പി​ന്നാ​ലെ പു​നഃ​സം​ഘ​ട​ന പ​ട്ടി​ക പു​റ​ത്ത് വി​ടു​മെ​ന്നും അ​റി​യു​ന്നു. യോ​ഗ​ത്തി​ൽ കെ. ​സി വേ​ണു​ഗോ​പാ​ൽ പ​ങ്കെ​ടു​ക്കി​ല്ലെ​ന്നാ​ണു റി​പ്പോ​ർ​ട്ട്.

എ​റ​ണാ​കു​ളം, തൃ​ശൂ​ർ, ക​ണ്ണൂ​ർ, മ​ല​പ്പു​റം ഒ​ഴി​കെ​യു​ള​ള ജി​ല്ല​ക​ളി​ലെ ഡി​സി​സി അ​ധ്യ​ക്ഷ​ന്മാ​ർ മാ​റി​യേ​ക്കും. പു​തി​യ കെ​പി​സി​സി അ​ധ്യ​ക്ഷ​നെ മാ​ർ​ച്ച് ആ​ദ്യ​വാ​രം പ്ര​ഖ്യാ​പി​ക്കാ​നാ​ണു സാ​ധ്യ​ത. അ​ഹ​മ്മ​ദാ​ബാ​ദി​ൽ ഏ​പ്രി​ലി​ൽ ന​ട​ക്കു​ന്ന എ​ഐ​സി​സി സ​മ്മേ​ള​ന​ത്തി​ന് മു​മ്പാ​യി കെ​പി​സി​സി പു​നഃ​സം​ഘ​ട​ന ന​ട​ക്കും.

കെ​പി​സി​സി അ​ധ്യ​ക്ഷ സ്ഥാ​ന​ത്തേ​ക്ക് അ​ടൂ​ർ പ്ര​കാ​ശ്, ബെ​ന്നി ബ​ഹ​നാ​ൻ, കെ. ​മു​ര​ളീ​ധ​ര​ൻ എ​ന്നി​വ​യു​ടെ പേ​രാ​ണ് സ​ജീ​വ​പ​രി​ഗ​ണ​ന​യി​ൽ. ഹൈ​ക്ക​മാ​ൻ​ഡ് വി​ളി​ച്ച യോ​ഗ​ത്തി​ൽ​നി​ന്നു മു​ൻ അ​ധ്യ​ക്ഷ​ൻ മു​ല്ല​പ്പ​ള്ളി രാ​മ​ച​ന്ദ്ര​ൻ വി​ട്ടു​നി​ൽ​ക്കാ​നാ​ണ് സാ​ധ്യ​ത. അ​ധ്യ​ക്ഷ സ്ഥാ​ന​ത്തേ​ക്ക് കൊ​ടി​ക്കു​ന്നി​ൽ സു​രേ​ഷ് ആ​വ​ശ്യം ഉ​ന്ന​യി​ച്ചെ​ങ്കി​ലും മ​ല്ലി​കാ​ർ​ജു​ൻ ഖാ​ർ​ഗെ പ​രി​ഗ​ണി​ച്ചി​ല്ലെ​ന്നാ​ണ് അ​റി​യു​ന്ന​ത്.