പി​റ​വം: മ​ണീ​ടി​ന​ടു​ത്ത് നെ​ച്ചൂ​രി​ൽ വീ​ട് കു​ത്തി​ത്തു​റ​ന്ന് 30 പ​വ​ൻ സ്വ​ർ​ണ​വും ര​ണ്ട് ല​ക്ഷം രൂ​പ​യും ക​വ​ർ​ന്നു. നെ​ച്ചൂ​ർ വൈ​എം​സി​എ​യ്ക്ക് സ​മീ​പം താ​മ​സി​ക്കു​ന്ന ഐ​ക്യ​നാം​പു​റ​ത്ത് ബാ​ബു ജോ​ണി​ന്‍റെ വീ​ട്ടി​ലാ​ണ് ചൊ​വ്വാ​ഴ്ച രാ​ത്രി മോ​ഷ​ണം ന​ട​ന്ന​ത്.

വീ​ട്ടു​കാ​ർ പ​ള്ളി​യി​ൽ പെ​രു​ന്നാ​ളി​ന് പോ​യ സ​മ​യ​ത്താ​ണ് മോ​ഷ​ണം ന​ട​ന്ന​ത്. ഇ​വി​ടെ​യു​ണ്ടാ​യി​രു​ന്ന സി​സി​ടി​വി​യു​ടെ ഹാ​ർ​ഡ് ഡി​സ്കും കൊ​ണ്ടു​പോ​യി​ട്ടു​ണ്ട്.

വീ​ടി​ന്‍റെ പി​ൻ​വ​ശ​ത്തെ വാ​തി​ൽ കു​ത്തി​പ്പൊ​ളി​ച്ചാ​ണ് മോ​ഷ്ടാ​ക്ക​ൾ ഉ​ള്ളി​ൽ പ്ര​വേ​ശി​ച്ച​ത്. വീ​ടി​ന​ക​ത്ത് കി​ട​പ്പു​മു​റി​യി​ലെ അ​ല​മാ​ര പൊ​ളി​ച്ച് ഇ​തി​നു​ള്ളി​ലു​ണ്ടാ​യി​രു​ന്ന സ്വ​ർ​ണ​വും, പ​ണ​വും ക​വ​രു​ക​യാ​യി​രു​ന്നു.

വൈ​കു​ന്നേ​രം ഏ​ഴോ​ടെ​യാ​ണ് വീ​ട്ടു​കാ​ർ പ​ള്ളി​യി​ൽ പോ​യ​ത്. രാ​ത്രി 11-ഓ​ടെ തി​രി​ച്ചെ​ത്തു​ക​യും ചെ​യ്തു. ഇ​തി​നി​ടെ​യാ​ണ് മോ​ഷ​ണം ന​ട​ന്നി​രി​ക്കു​ന്ന​ത്. പി​റ​വം പോ​ലീ​സ് അ​ന്വേ​ഷ​ണ​മാ​രം​ഭി​ച്ചി​ട്ടു​ണ്ട്. ഡോ​ഗ് സ്ക്വാ​ഡും, വി​ല​ര​ട​യാ​ള വി​ദ​ഗ്ദ്ധ​രും രാ​വി​ലെ പ​രി​ശോ​ധ​ന ന​ട​ത്തി.