മ​ല​പ്പു​റം: വേ​ങ്ങ​ര​യ്ക്ക് സ​മീ​പം വീ​ണാ​ലു​ക്ക​ലി​ൽ യു​വാ​വി​നെ വെ​ട്ടി​ക്കൊ​ല്ലാ​ൻ ശ്ര​മി​ച്ച​തി​ന് പി​ന്നി​ൽ പ്ര​ണ​യം വി​ല​ക്കി​യ​തി​ലു​ള്ള വി​രോ​ധ​മാ​ണെ​ന്ന് പോ​ലീ​സ്. 28കാ​ര​നാ​യ സു​ഹൈ​ബി​നാ​ണ് വെ​ട്ടേ​റ്റ​ത്.

18കാ​ര​നാ​യ റാ​ഷി​ദാ​ണ് സു​ഹൈ​ബി​നെ വെ​ട്ടി​ക്കൊ​ല്ലാ​ൻ ശ്ര​മി​ച്ച​ത്. ആ​ക്ര​മ​ണ​ത്തി​ന് ശേ​ഷം മ​ല​പ്പു​റം സ്വ​ദേ​ശി​യാ​യ റാ​ഷി​ദ് പൊ​ലീ​സി​ൽ കീ​ഴ​ട​ങ്ങി​യി​രു​ന്നു.

ബ​ന്ധു​വാ​യ പെ​ൺ​കു​ട്ടി​യു​മാ​യു​ള്ള പ്ര​ണ​യ ബ​ന്ധ​ത്തി​ൽ നി​ന്ന് പി​ന്മാ​റ​ണ​മെ​ന്ന് സു​ഹൈ​ബ് റാ​ഷി​ദി​നോ​ട് ആ​വ​ശ്യ​പ്പെ​ട്ടി​രു​ന്നു. ഇ​തി​ലെ‌ വൈ​രാ​ഗ്യ​മാ​ണ് വ​ധ​ശ്ര​മ​ത്തി​ന് കാ​ര​ണ​മെ​ന്നാ​ണ് പോലീ​സ് സം​ശ​യി​ക്കു​ന്ന​ത്. എ​ന്നാ​ൽ റാ​ഷി​ദു​മാ​യി മു​ൻ പ​രി​ച​യ​മി​ല്ലെ​ന്നും, മു​മ്പ് നേ​രി​ൽ ക​ണ്ടി​ട്ട് പോ​ലു​മി​ല്ലെ​ന്നാ​ണ് പ​രി​ക്കേ​റ്റ് ചി​കി​ത്സ​യി​ൽ ക​ഴി​യു​ന്ന സു​ഹൈ​ബ് പോ​ലീ​സി​ന് മൊ​ഴി ന​ൽ​കി​യ​ത്.

വെ​ള്ളി​യാ​ഴ്ച രാ​ത്രി​യാ​ണ് മ​ദ്ര​സ അ​ധ്യാ​പ​ക​നാ​യ സു​ഹൈ​ബി​നെ വീ​ടി​ന് സ​മീ​പ​ത്ത് വ​ച്ച് റാ​ഷി​ദ് വെ​ട്ടി​യ​ത്. നാ​ട്ടു​കാ​ർ ഓ​ടി കൂ​ടി​യ​തോ​ടെ സ്ഥ​ല​ത്ത് നി​ന്ന് ര​ക്ഷ​പ്പെ​ട്ട റാ​ഷി​ദ് പു​ല​ർ​ച്ചെ മൂ​ന്നോ​ടെ വേ​ങ്ങ​ര പൊ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങി.

ഏ​റെ​ക്കാ​ല​മാ​യി മാ​താ​പി​താ​ക്ക​ൾ​ക്കൊ​പ്പം അ​ബു​ദാ​ബി​യി​ലാ​യി​രു​ന്ന പ്ര​തി പ്ല​സ് ടു ​പ​ഠ​ന​ത്തി​ന് വേ​ണ്ടി​യാ​ണ് കേ​ര​ള​ത്തി​ലേ​ക്കെ​ത്തി​യ​ത്. അ​പ​ക​ട നി​ല ത​ര​ണം ചെ​യ്ത സു​ഹൈ​ബ് ഗു​രു​ത​ര പ​രി​ക്കു​ക​ളോ​ടെ കോ​ട്ട​ക്ക​ലി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.