സ്വകാര്യ വ്യക്തിയുടെ പുരയിടത്തിൽ അസ്ഥികൂടം; പോലീസ് അന്വേഷണം ആരംഭിച്ചു
Monday, February 3, 2025 10:32 PM IST
കോട്ടയം: സ്വകാര്യ വ്യക്തിയുടെ പുരയിടത്തിൽ നിന്ന് അസ്ഥികൂടം കണ്ടെത്തി. പാലാ മേവടയിൽ നിന്ന് അസ്ഥികൂടം കണ്ടെത്തിയ സംഭവത്തിൽ പോലീസ് അന്വേഷണം ആരംഭിച്ചു.
മീനച്ചിലിൽ നിന്നും കാണാതായ 84കാരന്റെ മൃതദേഹമാണിതെന്നാണ് സംശയം. ശാസ്ത്രീയ പരിശോധനായ്ക്ക് ശേഷമേ ഇത് സ്ഥിരീകരിക്കാൻ സാധിക്കൂവെന്ന് പോലീസ് പറയുന്നു.
കഴിഞ്ഞ ഡിസംബർ 21 നാണ് ഇയാളെ കാണാതായത്. ഇദ്ദേഹത്തിന്റെ വീടിന് സമീപത്തു നിന്നാണ് ഇപ്പോൾ അസ്ഥികൂടം കിട്ടിയത്.