ക​ല്‍​പ്പ​റ്റ: വ​യ​നാ​ട്ടി​ലെ വെ​ള്ള​മു​ണ്ട​യ്ക്ക​ടു​ത്ത വെ​ള്ളി​ലാ​ടി​യി​ല്‍ ഇ​ത​ര സം​സ്ഥാ​ന​ത്തൊ​ഴി​ലാ​ളി​യെ കൊ​ല​പ്പെ​ടു​ത്തി മൃ​ത​ദേ​ഹം തു​ണ്ട​ങ്ങ​ളാ​ക്കി ര​ണ്ട് ബാ​ഗു​ക​ളി​ല്‍ നി​റ​ച്ച് ഓ​ട്ടോ​യി​ല്‍ ക​യ​റ്റി മൂ​ന്നു കി​ലോ​മീ​റ്റ​ര്‍ അ​ക​ലെ മൂ​ളി​ത്തോ​ട് പാ​ല​ത്തി​ന് താ​ഴെ​യും സ​മീ​പ​ത്തും ഉ​പേ​ക്ഷി​ച്ച സം​ഭ​വ​ത്തി​ല്‍ പോ​ലീ​സ് അ​ന്വേ​ഷ​ണം തു​ട​രു​ന്നു. ഉ​ത്ത​ര്‍​പ്ര​ദേ​ശ് സ്വ​ദേ​ശി മു​ഖീ​ബാ​ണ്(25)​വെ​ള്ളി​ലാ​ടി​യി​ല്‍ അ​തേ​നാ​ട്ടു​കാ​ര​നാ​യ മു​ഹ​മ്മ​ദ് ആ​രി​ഫി​ന്‍റെ(38) താ​മ​സ​സ്ഥ​ല​ത്ത് കൊ​ല്ല​പ്പെ​ട്ട​ത്.

ക​ഷ​ണ​ങ്ങ​ളാ​ക്കി ബാ​ഗു​ക​ളി​ല്‍ നി​റ​ച്ച മൃ​ത​ദേ​ഹ​ഭാ​ഗ​ങ്ങ​ള്‍ ആ​രി​ഫ് മ​റ്റൊ​രു ഇ​ത​ര സം​സ്ഥാ​ന​ത്തൊ​ഴി​ലാ​ളി​യു​ടെ ഗു​ഡ്സ് ഓ​ട്ടോ വി​ളി​ച്ചാ​ണ് വെ​ള്ളി​യാ​ഴ്ച രാ​ത്രി മൂ​ളി​ത്തോ​ടി​ല്‍ എ​ത്തി​ച്ച​ത്. ബാ​ഗു​ക​ള്‍ ഉ​പേ​ക്ഷി​ക്കു​ന്ന​തി​ല്‍ പ​ന്തി​കേ​ടു​തോ​ന്നി ഓ​ട്ടോ ഡ്രൈ​വ​ര്‍ ന​ല്‍​കി​യ വി​വ​ര​മാ​ണ് സ്ഥ​ല​ത്തെ​ത്താ​നും പ​രി​ശോ​ധ​ന ന​ട​ത്താ​നും പോ​ലീ​സി​നു പ്രേ​ര​ണ​യാ​യ​ത്. ഇ​ന്നു പു​ല​ര്‍​ച്ചെ മൂ​ന്നോ​ടെ​യാ​ണ് ഇ​ന്‍​ക്വ​സ്റ്റ് ന​ട​പ​ടി​ക​ള്‍ പൂ​ര്‍​ത്തി​യാ​ക്കി​യ​ത്.

വെ​ള്ളി​ലാ​ടി​യി​ല്‍ ഭാ​ര്യ​ക്ക് ഒ​പ്പം മു​ഹ​മ്മ​ദ് ആ​രി​ഫ് ക​ഴി​യു​ന്ന ക്വാ​ര്‍​ട്ടേ​ഴ്സി​ന​ടു​ത്താ​ണ് ആ​ഴ്ച​ക​ള്‍ മു​മ്പു​വ​രെ മു​ഖീ​ബ് താ​മ​സി​ച്ചി​രു​ന്ന​ത്. ഭാ​ര്യ​യു​മാ​യി മു​ഖീ​ബി​നു അ​വി​ഹി​ത​ബ​ന്ധം ഉ​ണ്ടെ​ന്ന സം​ശ​യ​മാ​ണ് ആ​രി​ഫി​നെ കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്നാ​ണ് പോ​ലീ​സി​നു ല​ഭി​ച്ച സൂ​ച​ന.

ആ​രി​ഫി​ന്‍റെ ഭാ​ര്യ​യെ പോ​ലീ​സ് ചോ​ദ്യം​ചെ​യ്തു​വ​രി​ക​യാ​ണ്. ആ​രി​ഫും ക​സ്റ്റ​ഡി​യി​ലു​ണ്ട്. കൊ​ല​പാ​ത​കം ന​ട​ന്നു​വെ​ന്നു സം​ശ​യി​ക്കു​ന്ന ക്വാ​ര്‍​ട്ടേ​ഴ്സ് പോ​ലീ​സ് സീ​ല്‍ ചെ​യ്തി​രി​ക്ക​യാ​ണ്. ഇ​വി​ടെ ഇ​ന്ന് വി​ശ​ദ പ​രി​ശോ​ധ​ന ന​ട​ക്കും.