കൊ​ല്ലം: രാ​ജ്യ​ത്ത് പ്ര​ചാ​ര​ത്തി​ൽ നി​ന്ന് പി​ൻ​വ​ലി​ച്ച 2,000 രൂ​പ​യു​ടെ നോ​ട്ടു​ക​ളി​ൽ ഇ​നി തി​രി​ച്ചെ​ത്താ​നു​ള്ള​ത് 6,691 കോ​ടി രൂ​പ​യു​ടേ​ത്. റി​സ​ർ​വ് ബാ​ങ്ക് ഒ​ഫ് ഇ​ന്ത്യ ക​ഴി​ഞ്ഞ ദി​വ​സം പു​റ​ത്തു​വി​ട്ട ക​ണ​ക്കു​ക​ളി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യി​ട്ടു​ള്ള​ത്.

ബാ​ങ്കി​ന്‍റെ 2024 ഡി​സം​ബ​ർ 31 വ​രെ​യു​ള്ള ക​ണ​ക്ക് അ​നു​സ​രി​ച്ച് 98.12 ശ​ത​മാ​നം ക​റ​ൻ​സി​ക​ളും തി​രി​ച്ചെ​ത്തി. ബാ​ക്കി​യു​ള്ള​വ ഇ​പ്പോ​ഴും പൊ​തു​ജ​ന​ത്തി​ന്‍റെ കൈ​വ​ശം ഉ​ണ്ടെ​ന്നാ​ണ് ബാ​ങ്ക് അ​നു​മാ​നി​ക്കു​ന്ന​ത്. 2023 മേ​യ് 19-നാ​യി​രു​ന്നു കേ​ന്ദ്ര സ​ർ​ക്കാ​ർ 2,000 രൂ​പ​യു​ടെ നോ​ട്ടു​ക​ൾ പി​ൻ​വ​ലി​ച്ച​ത്.

3.56 ല​ക്ഷം കോ​ടി​യു​ടെ 2,000 രൂ​പ ക​റ​ൻ​സി​ക​ളാ​ണ് രാ​ജ്യ​ത്ത് വി​നി​മ​യ​ത്തി​ൽ ഉ​ണ്ടാ​യി​രു​ന്ന​ത്. ഇ​വ മാ​റ്റി​യെ​ടു​ക്കു​ന്ന​തി​നും അ​ക്കൗ​ണ്ടു​ക​ളി​ൽ നി​ക്ഷേ​പി​ക്കു​ന്ന​തി​നും 2023 ഒ​ക്ടോ​ബ​ർ ഏ​ഴ് വ​രെ രാ​ജ്യ​ത്തെ എ​ല്ലാ ബാ​ങ്ക് ശാ​ഖ​ക​ളി​ലും സൗ​ക​ര്യ​വും ഏ​ർ​പ്പെ​ടു​ത്തി​യി​രു​ന്നു.

മാ​ത്ര​മ​ല്ല, റി​സ​ർ​വ് ബാ​ങ്ക് ഒ​ഫ് ഇ​ന്ത്യ​യു​ടെ 19 ഇ​ഷ്യൂ ഓ​ഫീ​സു​ക​ളി​ൽ ഇ​വ സ്വീ​ക​രി​ക്കു​ന്ന​തി​ന് ഇ​പ്പോ​ഴും പ്ര​ത്യേ​ക കൗ​ണ്ട​റു​ക​ളും പ്ര​വ​ർ​ത്തി​ക്കു​ന്നു​ണ്ട്. അ​വി​ടെ വ്യ​ക്തി​ക​ൾ​ക്കും സ്ഥാ​പ​ന​ങ്ങ​ൾ​ക്കും ഈ ​നോ​ട്ടു​ക​ൾ കൊ​ണ്ടു​വ​ന്ന് ത​ങ്ങ​ളു​ടെ ബാ​ങ്ക് അ​ക്കൗ​ണ്ടി​ലേ​യ്ക്ക് തു​ക​യാ​യി നി​ക്ഷേ​പി​ക്കാം.

2023 ഒ​ക്ടോ​ബ​ർ ഒ​ൻ​പ​ത് മു​ത​ലാ​ണ് ആ​ർ​ബി​ഐ​യു​ടെ ഇ​ഷ്യൂ ഓ​ഫീ​സു​ക​ളി​ൽ 2,000 രൂ​പ​യു​ടെ നോ​ട്ടു​ക​ൾ സ്വീ​ക​രി​ക്കു​ന്ന​ത് തു​ട​രു​ന്ന​ത്. ഇ​തു​കൂ​ടാ​തെ പൊ​തു​ജ​ന​ങ്ങ​ൾ​ക്ക് അ​വ​രു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ളും ആ​ധാ​ർ വി​വ​ര​ങ്ങ​ളും ഉ​ൾ​പ്പെ​ടു​ത്തി ഈ ​നോ​ട്ടു​ക​ൾ ഇ​ന്ത്യ​ൻ ത​പാ​ൽ സ​ർ​വീ​സ് വ​ഴി അ​യ​ച്ചാ​ലും അ​വ അ​ക്കൗ​ണ്ടു​ക​ളി​ലേ​യ്ക്ക് നി​ക്ഷേ​പി​ക്കാ​നു​ള്ള അ​ധി​ക സൗ​ക​ര്യ​വും റി​സ​ർ​വ് ബാ​ങ്ക് ഏ​ർ​പ്പെ​ടു​ത്തി​യി​ട്ടു​ണ്ട്.

2000ത്തി​ന്‍റെ നോ​ട്ടു​ക​ൾ പി​ൻ​വ​ലി​ച്ചു​വെ​ങ്കി​ലും അ​വ​യു​ടെ നി​യ​മ​പ​ര​മാ​യ സാ​ധു​ത ഇ​പ്പോ​ഴും നി​ല​നി​ൽ​ക്കു​ന്നു. അ​തി​നാ​ലാ​ണ് ഇ​വ നി​ക്ഷേ​പി​ക്കു​ന്ന​തി​ന് തു​ട​ർ​ന്നും അ​വ​സ​രം ന​ൽ​കു​ന്ന​തെ​ന്ന് റി​സ​ർ​വ് ബാ​ങ്ക് അ​ധി​കൃ​ത​ർ വ്യ​ക്ത​മാ​ക്കി.

അ​ഹ​മ്മ​ദാ​ബാ​ദ്, ബം​ഗ​ളു​രു, ബേ​ലാ​പു​ർ, ഭോ​പാ​ൽ, ഭു​വ​നേ​ശ്വ​ർ, ച​ണ്ഡി​ഗ​ഡ്, ചെ​ന്നൈ, ഗോ​ഹ​ട്ടി, ഹൈ​ദ​രാ​ബാ​ദ്, ജ​യ്പു​ർ, ജ​മ്മു, കാ​ൻ​പു​ർ, കോ​ൽ​ക്ക​ത്ത, ല​ഖ്നോ, മും​ബൈ, നാ​ഗ്പൂ​ർ, ന്യൂ​ഡ​ൽ​ഹി, പാ​റ്റ്ന, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ലെ റി​സ​ർ​വ് ബാ​ങ്കു​ക​ളി​ലാ​ണ് 2000 രൂ​പ​യു​ടെ നോ​ട്ടു​ക​ൾ സ്വീ​ക​രി​ക്കു​ന്ന സം​വി​ധാ​നം ഇ​പ്പോ​ഴും പ്ര​വ​ർ​ത്തി​ക്കു​ന്ന​ത്.

കേ​ന്ദ്ര സ​ർ​ക്കാ​ർ 1000, 500 രൂ​പ​യു​ടെ നോ​ട്ടു​ക​ൾ അ​സാ​ധു​വാ​ക്കി​യ ശേ​ഷം 2016 ന​വം​ബ​റി​ലാ​ണ് രാ​ജ്യ​ത്ത് പു​തി​യ 2,000 രൂ​പ​യു​ടെ ക​റ​ൻ​സി​ക​ൾ അ​വ​ത​രി​പ്പി​ച്ച​ത്.