ഇ​ടു​ക്കി: മു​ള്ള​രി​ങ്ങാ​ട് കാ​ട്ടാ​ന ആ​ക്ര​മ​ണ​ത്തി​ൽ മ​രി​ച്ച അ​മ​ർ ഇ​ലാ​ഹി​യു​ടെ മൃ​ത​ദേ​ഹം ക​ബ​റ​ട​ക്കി. രാ​വി​ലെ 8.30ന് ​മു​ള്ള​രി​ങ്ങാ​ട് ജു​മാ മ​സ്ജി​ദി​ൽ പ്ര​ത്യേ​ക പ്രാ​ർ​ഥ​ന​ക​ൾ​ക്ക് ശേ​ഷ​മാ​യി​രു​ന്നു ക​ബ​റ​ട​ക്കം.

പു​ല​ർ​ച്ച​യോ​ടെ​യാ​ണ് പോ​സ്റ്റ‌്മോ​ർ​ട്ടം ന​ട​പ​ടി പൂ​ർ​ത്തി​യാ​ക്കി അ​മ​റി​ന്‍റെ മൃ​ത​ദേ​ഹം ബ​ന്ധു​ക്ക​ൾ​ക്ക് കൈ​മാ​റി​യ​ത്. തു​ട​ർ​ന്ന് മ​ന്ത്രി റോ​ഷി അ​ഗ​സ്റ്റി​ൻ മ​രി​ച്ച അ​മ​റി​ന്‍റെ വീ​ട്ടി​ലെ​ത്തി അ​ന്ത്യാ​ഞ്ജ​ലി അ​ർ​പ്പി​ച്ചി​രു​ന്നു.

ഞാ​യ​റാ​ഴ്ച ഉ​ച്ച​ക​ഴി​ഞ്ഞ് മൂ​ന്നോ​ടെ​യാ​ണ് കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ അ​മ​ര്‍ ഇ​ലാ​ഹി (23) മ​രി​ച്ച​ത്. കാ​ടി​നോ​ട് ചേ​ര്‍​ന്നാ​യി​രു​ന്നു യു​വാ​വി​ന്‍റെ വീ​ട്. തേ​ക്കി​ന്‍ കൂ​പ്പി​ല്‍ മേ​യാ​ൻ വി​ട്ട പ​ശു​വി​നെ വീ​ട്ടി​ലേ​ക്ക് കൊ​ണ്ടു​വ​രാ​നാ​യി പ​ശു​വി​നെ അ​ഴി​ക്കാ​ന്‍ പോ​യ​പ്പോ​ഴാ​യി​രു​ന്നു ആ​ക്ര​മ​ണം. കൂ​ടെ​യു​ണ്ടാ​യി​രു​ന്ന​യാ​ള്‍ ഓ​ടി ര​ക്ഷ​പ്പെ​ടു​ക​യാ​യി​രു​ന്നു. അ​മ​ര്‍ ഇ​ലാ​ഹി​യെ തൊ​ടു​പു​ഴ താ​ലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചെ​ങ്കി​ലും മ​ര​ണം സം​ഭ​വി​ച്ചു.

ഡി​ഗ്രി പ​ഠ​നം പൂ​ര്‍​ത്തി​യാ​ക്കി താ​ത്കാ​ലി​ക​മാ​യി ജോ​ലി ചെ​യ്ത് വ​രി​ക​യാ​യി​രു​ന്നു അ​മ​ര്‍. ദാ​രു​ണ​മാ​യ സം​ഭ​വ​ത്തി​നു പി​ന്നാ​ലെ യു​വാ​വി​ന്‍റെ കു​ടും​ബ​ത്തി​ന് സം​സ്ഥാ​ന സ​ർ​ക്കാ​ർ 10 ല​ക്ഷം രൂ​പ ധ​ന​സ​ഹാ​യം പ്ര​ഖ്യാ​പി​ച്ചി​രു​ന്നു.

അ​തേ​സ​മ​യം, കാ​ട്ടാ​ന ആ​ക്ര​മ​ണ​ത്തി​ൽ പ്ര​തി​ഷേ​ധി​ച്ച് വ​ണ്ണ​പ്പു​റം പ​ഞ്ചാ​യ​ത്തി​ൽ എ​ൽ​ഡി​എ​ഫ്, യു​ഡി​എ​ഫ്, എ​ൻ​ഡി​എ മു​ന്ന​ണി​ക​ൾ ആ​ഹ്വാ​നം ചെ​യ്ത ഹ​ർ​ത്താ​ൽ പു​രോ​ഗ​മി​ക്കു​ക​യാ​ണ്.