കോ​ൽ​ക്ക​ത്ത: പ​ശ്ചി​മ ബം​ഗാ​ളി​ൽ തൃ​ണ​മൂ​ൽ കോ​ൺ​ഗ്ര​സ് നേ​താ​വ് വ​ധ​ശ്ര​മ​ത്തി​ൽ നി​ന്നും ര​ക്ഷ​പെ​ട്ട​ത് ത​ല​നാ​രി​ഴ​യ്ക്ക്. കോ​ൽ​ക്ക​ത്ത​യി​ലെ ക​സ്ബ പ്ര​ദേ​ശ​ത്ത് വെ​ള്ളി​യാ​ഴ്ച രാ​ത്രി​യാ​ണ് സം​ഭ​വം. വ​ധ​ശ്ര​മ​ത്തി​ന്‍റെ ദൃ​ശ്യ​ങ്ങ​ൾ സി​സി​ടി​വി​യി​ൽ പ​തി​ഞ്ഞു.

കോ​ൽ​ക്ക​ത്ത മു​നി​സി​പ്പ​ൽ കോ​ർ​പ്പ​റേ​ഷ​നി​ലെ വാ​ർ​ഡ് 108 ലെ ​തൃ​ണ​മൂ​ൽ കോ​ൺ​ഗ്ര​സ് കൗ​ൺ​സി​ല​റാ​യ സു​ശാ​ന്ത ഘോ​ഷി​ന് നേ​രെ​യാ​ണ് വ​ധ​ശ്ര​മ​മു​ണ്ടാ​യ​ത്.

സു​ശാ​ന്ത ഘോ​ഷ് വീ​ടി​നു മു​ന്നി​ൽ ഇ​രി​ക്കു​ന്ന​തി​നി​ടെ ര​ണ്ടു​പേ​ർ സ്കൂ​ട്ട​റി​ലെ​ത്തി. പെ​ട്ട​ന്ന് സ്കൂ​ട്ട​റി​ന്‍റെ പി​ന്നി​ലി​രു​ന്ന​യാ​ൾ കൈ​യി​ൽ തോ​ക്കു​മാ​യി ചാ​ടി​യി​റ​ങ്ങി സു​ശാ​ന്ത ഘോ​ഷി​ന് നേ​രെ ചെ​ന്നു.

ഇ​യാ​ൾ ര​ണ്ടു​ത​വ​ണ വെ​ടി​വ​ച്ചു​വെ​ങ്കി​ലും തോ​ക്ക് പ്ര​വ​ർ​ത്തി​ച്ചി​ല്ല. സം​ഭ​വം ക​ണ്ട സു​ശാ​ന്ത ആ​ക്ര​മി​യു​ടെ നേ​രെ പാ​ഞ്ഞ​ടു​ത്തു. ആ​ക്ര​മി സ്കൂ​ട്ട​റി​ൽ ക​യ​റി ര​ക്ഷ​പെ​ടാ​ൻ ശ്ര​മി​ച്ചു​വെ​ങ്കി​ലും സാ​ധി​ച്ചി​ല്ല. തു​ട​ർ​ന്ന് ആ​ൾ​ക്കൂ​ട്ടം ഇ​യാ​ളെ പി​ടി​കൂ​ടു​ക​യും കൈ​കാ​ര്യം ചെ​യ്യു​ക​യും ചെ​യ്തു.

ആ​രു​ടെ നി​ർ​ദേ​ശ​പ്ര​കാ​ര​മാ​ണ് കൊ​ല​പാ​ത​ക​ത്തി​ന് ശ്ര​മി​ച്ച​തെ​ന്ന് ഇ​യാ​ളോ​ട് ചോ​ദി​ച്ച​പ്പോ​ൾ, ഒ​രാ​ൾ ഒ​രു ചി​ത്രം ത​രു​ക​യും അ​തി​ലു​ള്ള ആ​ളെ കൊ​ല​പ്പെ​ടു​ത്ത​ണ​മെ​ന്ന് ത​ന്നോ​ട് നി​ർ​ദേ​ശി​ക്കു​ക​യും ചെ​യ്ത​താ​യി ഇ​യാ​ൾ പ​റ​ഞ്ഞു. ആ​ക്ര​മി​യെ പോ​ലീ​സി​ന് കൈ​മാ​റി.

പ്രാ​ദേ​ശി​ക വൈ​രാ​ഗ്യ​മാ​ണ് സം​ഭ​വ​ത്തി​ന് കാ​ര​ണ​മെ​ന്നും പി​ടി​യി​ലാ​യ​യാ​ൾ ബി​ഹാ​ർ സ്വ​ദേ​ശി​യാ​ണെ​ന്നും പോ​ലീ​സ് പ​റ​ഞ്ഞു.

ആ​രാ​ണ് കൊ​ല​പാ​ത​കം ആ​സൂ​ത്ര​ണം ചെ​യ്ത​തെ​ന്ന് ത​നി​ക്ക് ഒ​രു സൂ​ച​ന​യു​മി​ല്ലെ​ന്ന് കൗ​ൺ​സി​ല​ർ പ​റ​ഞ്ഞു. ഞാ​ൻ 12 വ​ർ​ഷ​മാ​യി കൗ​ൺ​സി​ല​റാ​ണ്. ആ​ക്ര​മി​ക്ക​പ്പെ​ടു​മെ​ന്ന് ഒ​രി​ക്ക​ലും ക​രു​തി​യി​രു​ന്നി​ല്ല, അ​തും ഞാ​ൻ എ​ന്‍റെ പ്ര​ദേ​ശ​ത്ത് ഇ​രി​ക്കു​മ്പോ​ൾ-​അ​ദ്ദേ​ഹം വ്യ​ക്ത​മാ​ക്കി. എം​പി മാ​ല റോ​യി​യും എം​എ​ൽ​എ ജാ​വേ​ദ് ഖാ​നും പി​ന്നീ​ട് അ​ദ്ദേ​ഹ​ത്തെ സ​ന്ദ​ർ​ശി​ച്ചു.