അ​ഡ്‌​ലെ​യ്ഡ്: പാ​ക്കി​സ്ഥാ​നെ​തി​രേ സ്വ​ന്തം നാ​ട്ടി​ൽ ഓ​സ്ട്രേ​ലി​യ​യ്ക്ക് നാ​ണം​കെ​ട്ട തോ​ൽ‌​വി. അ​ഡ്‌​ലെ​യ്ഡ് ഏ​ക​ദി​ന​ത്തി​ൽ ഒ​മ്പ​തു​വി​ക്ക​റ്റി​നാ​ണ് പാ​ക് പ​ട ഓ​സ്ട്രേ​ലി​യ​യെ ത​റ​പ​റ്റി​ച്ച​ത്. ആ​തി​ഥേ​യ​ർ ഉ​യ​ർ​ത്തി​യ 164 റ​ൺ​സി​ന്‍റെ കു​ഞ്ഞ​ൻ‌ വി​ജ​യ​ല​ക്ഷ്യം 141 പ​ന്ത് ബാ​ക്കി​നി​ല്ക്കെ ഒ​രു​വി​ക്ക​റ്റ് ന​ഷ്ട​ത്തി​ൽ സ​ന്ദ​ർ‌​ശ​ക​ർ മ​റി​ക​ട​ന്നു.

ഓ​പ്പ​ണ​ർ​മാ​രാ​യ സ​യിം അ​യൂ​ബും (82) അ​ബ്ദു​ള്ള ഷ​ഫീ​ഖു​മാ​ണ് (64) പാ​ക് വി​ജ​യ​ത്തി​ൽ നി​ർ​ണാ​യ​ക സം​ഭാ​വ​ന ന​ല്കി​യ​ത്. പാ​ക്കി​സ്ഥാ​നു വേ​ണ്ടി 29 റ​ൺ​സ് മാ​ത്രം വ​ഴ​ങ്ങി അ​ഞ്ചു​വി​ക്ക​റ്റ് വീ​ഴ്ത്തി​യ ഹാ​രി​സ് റൗ​ഫ് ആ​ണ് ഓ​സീ​സ് പ​ട​യെ ചു​രു​ട്ടി​ക്കെ​ട്ടി​യ​ത്.

നേ​ര​ത്തെ, ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നി​റ​ങ്ങി​യ ഓ​സ്ട്രേ​ലി​യ​യു​ടെ തു​ട​ക്കം ത​ക​ർ​ച്ച​യോ​ടെ​യാ​യി​രു​ന്നു. സ്‌​കോ​ര്‍​ബോ​ര്‍​ഡി​ല്‍ 21 റ​ണ്‍​സ് മാ​ത്ര​മു​ള്ള​പ്പോ​ള്‍ ജേ​ക്ക് ഫ്രേ​സ​ര്‍-​മ​ക്ഗു​ര്‍​കി​നെ (13) ന​ഷ്ട​മാ​യി. ഷ​ഹീ​ൻ​ഷാ അ​ഫ്രീ​ദി​യു​ടെ പ​ന്തി​ല്‍ വി​ക്ക​റ്റി​ല്‍ മു​ന്നി​ല്‍ കു​ടു​ങ്ങു​ക​യാ​യി​രു​ന്നു താ​രം.

പി​ന്നാ​ലെ 19 റ​ൺ​സു​മാ​യി സ​ഹ ഓ​പ്പ​ണ​ര്‍ മാ​ത്യു ഷോ​ര്‍​ട്ടും മ​ട​ങ്ങി. തു​ട​ർ​ന്ന് ക്രീ​സി​ൽ ഒ​ന്നി​ച്ച സ്റ്റീ​വ് സ്മി​ത്തും (27) ജോ​ഷ് ഇ​ന്‍​ഗ്ലി​സും (18) ചെ​റു​ത്തു​നി​ന്നെ​ങ്കി​ലും അ​ധി​ക​നേ​രം നീ​ണ്ടു​നി​ന്നി​ല്ല. ഇ​ന്‍​ഗ്ലി​സി​നെ പു​റ​ത്താ​ക്കി ഹാ​രി​സ് റൗ​ഫ് കൂ​ട്ടു​കെ​ട്ട് പൊ​ളി​ച്ചു.

പി​ന്നീ​ടെ​ത്തി​യ മാ​ര്‍​ന​സ് ല​ബു​ഷെ​യ്ന്‍ (ആ​റ്), ആ​രോ​ണ്‍ ഹാ​ര്‍​ഡി (14), ഗ്ലെ​ന്‍ മാ​ക്‌​സ്‌​വെ​ല്‍ (16), പാ​റ്റ് ക​മ്മി​ന്‍​സ് (13) എ​ന്നി​വ​രെ​ല്ലാം ഹാ​രി​സി​ന്‍റെ പേ​സി​ന് മു​ന്നി​ല്‍ കാ​ര്യ​മാ​യ ചെ​റു​ത്തു​നി​ല്പി​ല്ലാ​തെ കീ​ഴ​ട​ങ്ങി.

ഇ​തി​നി​ടെ സ്മി​ത്തി​നെ മു​ഹ​മ്മ​ദ് ഹ​സ്‌​നൈ​നും മി​ച്ച​ല്‍ സ്റ്റാ​ര്‍​ക്കി​നെ (ഒ​ന്ന്) ന​സീം ഷാ ​മ​ട​ക്കി. വാ​ല​റ്റ​ത്ത് ആ​ദം സാം​പ (18) ന​ട​ത്തി​യ പോ​രാ​ട്ട​മാ​ണ് ഓ​സീ​സ് സ്‌​കോ​ര്‍ 150 ക​ട​ത്തി​യ​ത്. ജോ​ഷ് ഹേ​സ​ല്‍​വു​ഡ് (ര​ണ്ട്) പു​റ​ത്താ​വാ​തെ നി​ന്നു.

മ​റു​പ​ടി ബാ​റ്റിം​ഗ് ആ​രം​ഭി​ച്ച പാ​ക്കി​സ്ഥാ​ന് ഓ​പ്പ​ണ​ർ​മാ​രാ​യ സ​യിം അ​യൂ​ബും അ​ബ്ദു​ള്ള ഷ​ഫീ​ഖും ചേ​ർ​ന്ന് ത​ക​ർ​പ്പ​ൻ തു​ട​ക്ക​മാ​ണ് ന​ല്കി​യ​ത്. 71 പ​ന്തി​ൽ ആ​റു സി​ക്സ​റും അ​ഞ്ചു ഫോ​റു​മു​ൾ​പ്പെ​ടെ 82 റ​ൺ​സെ​ടു​ത്ത സ​യിം അ​യൂ​ബി​നെ ആ​ദം സാം​പ​യാ​ണ് പു​റ​ത്താ​ക്കി​യ​ത്.

പി​ന്നാ​ലെ അ​ബ്ദു​ള്ള ഷ​ഫീ​ഖും (64) ബാ​ബ​ർ അ​സ​മും (15) ചേ​ർ​ന്ന് പാ​ക്കി​സ്ഥാ​നെ വി​ജ​യ​ത്തി​ലെ​ത്തി​ച്ചു. 69 പ​ന്തി​ൽ നാ​ലു ബൗ​ണ്ട​റി​ക​ളും മൂ​ന്നു സി​ക്സ​റു​മു​ൾ​പ്പെ​ടു​ന്ന​താ​ണ് ഷ​ഫീ​ഖി​ന്‍റെ ഇ​ന്നിം​ഗ്സ്.

ഇ​തോ​ടെ മൂ​ന്ന് മ​ത്സ​ര​ങ്ങ​ളു​ടെ പ​ര​മ്പ​ര​യി​ല്‍ 1-1 എ​ന്ന​നി​ല​യി​ൽ ഇ​രു​ടീ​മു​ക​ളും ഒ​പ്പ​ത്തി​നൊ​പ്പ​മെ​ത്തി.