പാ​ല​ക്കാ​ട്: പാ​ല​ക്കാ​ട്ട് കോ​ണ്‍​ഗ്ര​സ് വ​നി​താ നേ​താ​ക്ക​ള്‍ താ​മ​സി​ച്ച മു​റി​യി​ല്‍ പോ​ലീ​സ് അ​ര്‍​ധ​രാ​ത്രി പ​രി​ശോ​ധ​ന ന​ട​ത്തി​യ സം​ഭ​വ​ത്തി​ല്‍ പ്ര​തി​പ​ക്ഷ നേ​താ​വ് വി.​ഡി.​സ​തീ​ശ​ന്‍ ത​നി​ക്കെ​തി​രേ ന​ട​ത്തി​യ പ​രാ​മ​ര്‍​ശ​ങ്ങ​ളോ​ട് രൂ​ക്ഷ​മാ​യി പ്ര​തി​ക​രി​ച്ച് മ​ന്ത്രി എം.​ബി. രാ​ജേ​ഷ്. സ​തീ​ശ​ന്‍റേത് രാ​ഷ്ട്രീ​യ​നേ​താ​വി​ന്‍റെ ഭാ​ഷ​യ​ല്ല. മ​റി​ച്ച് അ​ഹ​ന്ത​യു​ള്ള അ​രോ​ച​ക​മാ​യ ഭാ​ഷ​യാ​ണെ​ന്ന് അ​ദ്ദേ​ഹം വി​മ​ര്‍​ശി​ച്ചു.

രാ​ഷ്ട്രീ​യ​ത്തി​ല്‍ എ​തി​ര്‍​പ്പും, വി​മ​ര്‍​ശ​ന​വും സാ​ധാ​ര​ണ​മാ​ണ്. എ​ന്നാ​ല്‍ പ്ര​തി​പ​ക്ഷ നേ​താ​വി​ന് ത​ന്നോ​ട് പ​ക​യാ​ണ്. ക​ഴി​ഞ്ഞ ര​ണ്ട് ദി​വ​സ​മാ​യി വ​ലി​യ ഭീ​ഷ​ണി​യും വെ​ല്ലു​വി​ളി​യും ന​ട​ത്തു​ന്നു​. എന്നാൽ ഭീ​ഷ​ണി കേ​ട്ട് "അ​യ്യോ സ​തീ​ശേ​ട്ടാ' എ​ന്ന് വി​ളി​ച്ച് ചെ​ല്ലു​ന്ന ആ​ള​ല്ല താ​ന്‍. ഭീ​ഷ​ണി തന്‍റെയടു​ത്ത് വി​ല​പ്പോ​കി​ല്ലെ​ന്നും മ​ന്ത്രി വ്യ​ക്ത​മാ​ക്കി.

എം​ടി​യു​ടെ ക​ഥാ​പാ​ത്രം സേ​തു​വി​നെ പോ​ലെ​യാ​ണ് സ​തീ​ശ​ന്‍. സേ​തു​വി​ന് സേ​തു​വി​നെ മാ​ത്രം മ​തി​യെ​ന്ന​പോ​ലെ​യാ​ണ്. പേ​ര് മാ​ത്രം മാ​റ്റി​യാ​ല്‍ മ​തി. സ​തീ​ശ​ന്‍റെ സൗ​മ്യ​ത​യും വി​ന​യ​വും പു​ഞ്ചി​രി​യും ഗോ​ള്‍ വാ​ര്‍​ക്ക​റു​ടെ ഫോ​ട്ടോ​യ്ക്ക് മു​ന്നി​ല്‍ മാ​ത്ര​മാ​ണ്. ആ​ക്രോ​ശം ത​നി​ക്കെ​തി​രെ​യും. രാ​ഹു​ലി​നെ കു​ട്ടി​സ​തീ​ശ​നെ​ന്ന് വി​ളി​ച്ച രാ​ജേ​ഷ് ക​ല്യാ​ണി​കു​ട്ടി​യ​മ്മ​ക്കെ​തി​രേ രാ​ഹു​ല്‍ പ​റ​ഞ്ഞ​പ്പോ​ള്‍ അ​തി​നെ ശ​രി​വെ​ച്ച​യാ​ളാ​ണ് സ​തീ​ശ​നെ​ന്നും കുറ്റപ്പെടുത്തി.

പാലക്കാട് കോ​ണ്‍​ഗ്ര​സ് തി​ര​ക്ക​ഥ​യി​ലെ റോ​ള്‍ ഷാ​നി​മോ​ള്‍ ഭം​ഗി​യാ​യി നി​ര്‍​വ​ഹി​ച്ചു. പോ​ലീ​സ് വ​രു​മെ​ന്ന വി​വ​രം ആ​രോ ഷാ​നിയെ അ​റി​യി​ച്ചു​വെ​ന്നും അ​ദ്ദേ​ഹം പ​റ​ഞ്ഞു. പു​റ​ത്തു​വ​ന്ന സി​സി​ടി​വി ദൃ​ശ്യ​ങ്ങ​ള്‍ കാ​ര്യ​ങ്ങ​ള്‍ വ്യ​ക്ത​മാ​ക്കു​ന്നു. എ​ന്തി​നാ​യി​രു​ന്നു പ​രി​ഭ്രാ​ന്തി​യെ​ന്ന് സി​സി​ടി​വി​യി​ല്‍ വ്യ​ക്ത​മാ​ണ്. പ​രി​ശോ​ധ​ന പാ​ത​ക​മ​ല്ല​ല്ലോ. ക​ള്ള​പ്പ​ണ വി​വ​രം കി​ട്ടി​യാ​ല്‍ പോ​ലീ​സി​ന് പ​രി​ശോ​ധി​ച്ച് കൂ​ടെ​യെ​ന്നും മ​ന്ത്രി ചോ​ദി​ച്ചു.

കോ​ണ്‍​ഗ്ര​സ് ക​ള്ള​പ്പ​ണം ഒ​ഴു​ക്കു​ക​യാ​ണ്. തെ​ല​ങ്കാ​ന, ക​ര്‍​ണാ​ട​ക സം​സ്ഥാ​ന​ങ്ങ​ളി​ല്‍ നി​ന്ന് കോ​ടി​ക​ളാണ് വ​രുന്നത്. ഈ ​വ​ര​വ് സു​ഗ​മ​മാ​ക്കാ​ന്‍ ഉ​ദ്യോ​ഗ​സ്ഥ​രെ ഭീ​ഷ​ണി​പ്പെ​ടു​ത്തി നി​ല​യ്ക്കു നി​ര്‍​ത്തി​യി​രി​ക്കു​ക​യാ​ണെ​ന്നും അ​ദ്ദേ​ഹം ആ​രോ​പി​ച്ചു. ക​ള്ള​പ്പ​ണ​മൊ​ഴു​ക്ക് സി​പി​എം പ്ര​തി​രോ​ധ​മൊ​രു​ക്കു​മെ​ന്നും മ​ന്ത്രി പ​റ​ഞ്ഞു.

പാ​ല​ക്കാ​ട്ടെ പാ​തി​ര റെ​യ്ഡ് എം.​ബി. രാ​ജേ​ഷും ഭാ​ര്യ സ​ഹോ​ദ​ര​നാ​യ സി​പി​എം നേ​താ​വും ബി​ജെ​പി നേ​താ​ക്ക​ളു​ടെ അ​റി​വോ​ടെ ന​ട​ത്തി​യ തി​ര​ക്ക​ഥ എ​ന്നാ​യി​രു​ന്നു ക​ഴി​ഞ്ഞ​ദി​വ​സം സ​തീ​ശ​ന്‍ ആ​രോ​പി​ച്ച​ത്. മു​ഖ്യ​മ​ന്ത്രി​യു​ടെ ഓ​ഫീ​സി​ലെ ഉ​പ​ജാ​പ​ക സം​ഘ​ത്തിന്‍റെ പി​ന്തു​ണ ഇ​തി​നു​ണ്ട്. വാ​ള​യാ​ര്‍ സ​ഹോ​ദ​രി​മാ​രു​ടെ മ​ര​ണ​ത്തി​ല്‍ പ്ര​തി​ക​ളെ ര​ക്ഷി​ക്കാ​ന്‍ സ​ഹാ​യി​ച്ച​യാ​ളും ഇ​തി​ന് പി​ന്നി​ല്‍ ഉ​ണ്ടെന്ന് അദ്ദേഹം ആരോപിച്ചിരുന്നു. എം.​ബി. രാ​ജേ​ഷ് രാ​ജി​വ​യ്ക്ക​ണ​മെ​ന്നും സ​തീ​ശ​ന്‍ ആ​വ​ശ്യ​പ്പെ​ട്ടിരുന്നു.