എഡിഎമ്മുമായി ഉണ്ടായിരുന്നത് സൗഹാര്ദപരമായ ബന്ധം; പി.പി.ദിവ്യയെ ക്ഷണിച്ചിട്ടില്ലെന്നും കളക്ടര്
Tuesday, October 22, 2024 10:40 AM IST
കണ്ണൂര്: എഡിഎം നവീന് ബാബുവിന്റെ യാത്രയയപ്പ് ചടങ്ങിലേക്ക് പി.പി.ദിവ്യയെ ക്ഷണിച്ചില്ലെന്ന് സ്ഥിരീകരിച്ച് കണ്ണൂര് കളക്ടര് അരുണ് കെ.വിജയന്. എല്ലാ കാര്യങ്ങളും അന്വേഷണസംഘത്തിന് നല്കിയ മൊഴിയില് പറഞ്ഞിട്ടുണ്ടെന്നും അദ്ദേഹം പ്രതികരിച്ചു.
യാത്രയയപ്പ് ദിവസം ദിവസം പി.പി.ദിവ്യ തന്നെ ഫോണില് വിളിച്ചിരുന്നു. നവീന്റെ മരണശേഷം താന് ദിവ്യയുമായി ഫോണില് സംസാരിച്ചിട്ടില്ല.
അവധി നല്കാതെ താന് എഡിഎമ്മിനെ പീഡിപ്പിച്ചെന്ന ആരോപണവും കളക്ടര് തള്ളി. തീര്ത്തും സൗഹാര്ദപരമായ ബന്ധമാണ് എഡിഎമ്മുമായി ഉണ്ടായിരുന്നതെന്ന് അദ്ദേഹം പറഞ്ഞു.
യാത്രയയപ്പിന് ശേഷ താന് നവീനോട് സംസാരിച്ചോ എന്ന് ഇപ്പോള് പറയുന്നില്ല. അത് അന്വേഷണത്തിന്റെ ഭാഗമാണെന്നും അദ്ദേഹം കൂട്ടിച്ചേര്ത്തു.