നവീന് ബാബുവിന്റെ അവസാന സന്ദേശം 4:58ന്; ജീവനൊടുക്കിയതെന്ന് പോസ്റ്റ്മോര്ട്ടം റിപ്പോര്ട്ട്
Tuesday, October 22, 2024 9:06 AM IST
കണ്ണൂര്: എഡിഎം നവീന് ബാബു അവസാനത്തെ ഫോൺ സന്ദേശം അയച്ചത് കളക്ടറേറ്റിലെ രണ്ട് ഉദ്യോഗസ്ഥര്ക്ക്. കഴിഞ്ഞ ചൊവ്വാഴ്ച പുലര്ച്ചെ 4.58നായിരുന്നു അത്.
ഭാര്യയുടേയും മകളുടേയും ഫോണ് നമ്പര് ആണ് ഉദ്യോഗസ്ഥർക്ക് അയച്ചത്. അതേസമയം നവീന് ബാബു ജീവനൊടുക്കിയതാണെന്ന് പോസ്റ്റ്മോർട്ടം റിപ്പോർട്ടിൽ വ്യക്തമാണ്.
ശരീരത്തില് മറ്റു മുറിവുകളോ അടയാളങ്ങളോ ഇല്ല. എന്നാല് മരണസമയം കൃത്യമായി റിപ്പോര്ട്ടില് രേഖപ്പെടുത്തിയിട്ടില്ലെന്നാണ് വിവരം. പോസ്റ്റ്മോര്ട്ടം റിപ്പോര്ട്ട് പൊലീസിന് കൈമാറി.
കഴിഞ്ഞ ചൊവ്വാഴ്ച രാവിലെയാണ് നവീന് ബാബുവിനെ കണ്ണൂര് പള്ളിക്കുന്നിലെ ക്വാര്ട്ടേഴ്സില് തൂങ്ങി മരിച്ച നിലയില് കണ്ടെത്തിയത്.