ബിജെപിയുടെ ആദ്യഘട്ട സ്ഥാനാർഥി പട്ടിക ഉടൻ പുറത്തുവരും : ദേവേന്ദ്ര ഫഡ്നാവിസ്
Sunday, October 20, 2024 6:44 AM IST
മുംബൈ: മഹാരാഷ്ട്ര നിയമസഭ തെരഞ്ഞെടുപ്പിനുള്ള ബിജെപിയുടെ ആദ്യഘട്ട സ്ഥാനാർഥി പട്ടിക ഉടൻ പുറത്തുവരുമെന്ന് മഹാരാഷ്ട്ര ഉപമുഖ്യമന്ത്രിയും മുതിർന്ന ബിജെപി നേതാവുമായ ദേവേന്ദ്ര ഫഡ്നാവിസ്. മഹായുതി സഖ്യത്തിലെ സീറ്റ് വിഭജന ചർച്ചകൾ അവസാന ഘട്ടത്തിലാണെന്നും അതുകൊണ്ട് തന്നെ ഏത് നിമിഷം വേണമെങ്കിലും ബിജെപി സ്ഥാനാർഥികളുടെ ആദ്യഘട്ട പട്ടിക പുറത്തുവരുമെന്നും ഫഡ്നാവിസ് പറഞ്ഞു.
"കഴിഞ്ഞ ദിവസം നടന്ന യോഗത്തിൽ തർക്കമുണ്ടായിരുന്ന ഭൂരിപക്ഷം സീറ്റുകളുടെയും കാര്യത്തിൽ ധാരണയായി. കുറച്ച് സീറ്റുകളുടെ കാര്യത്തിൽ മാത്രമെ തീരുമാനം ആകാനുള്ളു. അതിൽ ഒന്ന് രണ്ടു ദിവസിനുള്ളിൽ തീരുമാനമാകും.'-ഫഡ്നാവിസ് പറഞ്ഞു.
സംസ്ഥാനത്ത് മാഹായുതി സഖ്യം വൻ വിജയം നേടുമെന്നും മഹാരാഷ്ട്ര ഉപമുഖ്യമന്ത്രി പറഞ്ഞു. തെരഞ്ഞെടുപ്പ് ഫലത്തിന് മഹായുതി സഖ്യം തന്നെയായിരിക്കും സർക്കാർ രൂപീകരിക്കുകയെന്നും ദേവേന്ദ്ര ഫഡ്നാവിസ് അവകാശപ്പെട്ടു.