കൊച്ചി - ബംഗളൂരു വിമാനത്തിൽ ബോംബ് ഭീഷണി
Saturday, October 19, 2024 7:14 PM IST
കൊച്ചി: വിമാനത്തിൽ ബോംബുവച്ചെന്ന ഭീഷണിയെ തുടർന്ന് നെടുമ്പാശേരി വിമാനത്താവളത്തിൽ സുരക്ഷ കർശനമാക്കി. കൊച്ചിയിൽ നിന്ന് രാത്രി ബംഗളൂരുവിലേക്ക് പുറപ്പെടുന്ന വിമാനത്തിനാണ് ബോംബ് ഭീഷണി.
ഭീഷണിയെത്തുടർന്ന് വിമാനത്തിൽ പോകേണ്ട യാത്രക്കാരെ ദേഹപരിശോധനക്ക് വിധേയമാക്കി. കൂടാതെ വിമാനത്തിനകത്തും പരിശോധന കൂടുതലാക്കി. ട്വിറ്ററിലൂടെയാണ് ഭീഷണി എത്തിയത്.
വിമാനത്താവളങ്ങളിൽ ബോംബ് ഭീഷണി തുടരുന്ന സാഹചര്യത്തിൽ ബ്യൂറോ ഓഫ് സിവിൽ ഏവിയേഷൻ വിമാന കമ്പനി സിഇഓമാരുടെ യോഗം വിളിച്ചു.