മഴ കളിക്കുന്നു; കേരളം മികച്ച സ്കോറിലേക്ക്
Saturday, October 19, 2024 6:51 PM IST
ആളൂര്: രഞ്ജി ട്രോഫി ക്രിക്കറ്റിൽ കര്ണാടകയ്ക്കെതിരെ കേരളം മികച്ച സ്കോറിലേക്ക്. രണ്ടാം ദിനത്തെ കളി അവസാനിപ്പിക്കുമ്പോൾ കേരളം മൂന്ന് വിക്കറ്റ് നഷ്ടത്തില് 161 റണ്സ് എന്ന നിലയിലാണ്. മഴയെ തുടർന്ന് രണ്ടാം ദിവസത്തെ അവസാന സെഷന് ഉപേക്ഷിച്ചു.
ക്യാപ്റ്റന് സച്ചിന് ബേബി (23), സഞ്ജു സാംസണ് (15) എന്നിവരാണ് ക്രീസില്. വത്സല് ഗോവിന്ദ് (31), രോഹന് കുന്നുമ്മല് (63), ബാബ അപരാജിത് (19) എന്നിവരുടെ വിക്കറ്റുകളാണ് കേരളത്തിന് നഷ്ടമായത്.
വിക്കറ്റ് നഷ്ടമില്ലാതെ 88 റൺസ് എന്ന നിലയിലാണ് കേരളം രണ്ടാം ദിനം ആരംഭിച്ചത്. ഒന്നാംദിനം മഴയെ തുടര്ന്ന് മത്സരം ഏറെ വൈകിയാണ് ആരംഭിച്ചിരുന്നത്. ഇന്നലെ 23 ഓവര് മാത്രമാണ് മത്സരം നടന്നത്.