റോഡ് ഷോയുമായി എൽഡിഎഫ്; പ്രചാരണത്തിനു തുടക്കമിട്ടു സരിൻ
Saturday, October 19, 2024 6:27 PM IST
പാലക്കാട്: ഇടത് സ്വതന്ത്ര സ്ഥാനാർഥി ഡോ.പി.സരിൻ റോഡ് ഷോയോടെ പ്രചാരണത്തിനു തുടക്കമിട്ടു. സരിൻ ബ്രോ എന്നെഴുതിയ പ്ലക്കാർഡുകളുമേന്തി നൂറുകണക്കിനു പ്രവർത്തകർ റോഡ് ഷോയിൽ പങ്കാളികളായി.
മണ്ഡലത്തിൽ കഴിഞ്ഞ തവണ മൂന്നാം സ്ഥാനത്തായിപ്പോയ ഇടത് മുന്നണി ഇത്തവണ ഒന്നാം സ്ഥാനത്തേക്കെത്തുമെന്ന് ഇടതുമുന്നണി പ്രവർത്തകർ പറയുന്നു. യുഡിഎഫ് സ്ഥാനാർഥി രാഹുൽ മാങ്കൂട്ടത്തിലും മണ്ഡലത്തിൽ സജീവമായിക്കഴിഞ്ഞു.
മണ്ഡലത്തിലെ എൻഡിഎ സ്ഥാനാർഥിയെ ഉടൻ പ്രഖ്യാപിക്കുമെന്ന് ബിജെപി നേതൃത്വം വ്യക്തമാക്കി.