ഇരവിപുരത്ത് ആഡംബര ബൈക്ക് മറിഞ്ഞ് രണ്ടു പേർ മരിച്ചു
Saturday, October 19, 2024 1:21 PM IST
ചാത്തന്നൂർ: തീരദേശ റോഡിൽ ആഡംബര ബൈക്ക് തെന്നി മറിഞ്ഞ് റോഡിൽ തെറിച്ചു വീണ രണ്ട് യുവാക്കൾ മരിച്ചു.
ബൈക്ക് യാത്രക്കാരായ കൊല്ലം പള്ളിത്തോട്ടം സംഗമംനഗർ -57-ൽ (പുത്തൻ പുര വീട്ടിൽ)മാർഷലിന്റെയും മിനിയുടെയും മകൻ മനീഷ് (31) ഇരവിപുരം പനമുക്ക് റേഷൻ കടമുക്ക് തോട്ടത്തിൽ വീട്ടിൽ വാടകയ്ക്ക് താമസിക്കുന്ന പള്ളിത്തോട്ടം സെഞ്ച്വറി നഗറിൽ ജോസഫിന്റെ മകൻ പ്രവീൺ(33) എന്നിവരാണ് മരിച്ചത്.
കൊല്ലം - പരവൂർ തീരദേശ റോഡിൽ ഇരവിപുരം കാക്കത്തോപ്പിൽ കഴിഞ്ഞ രാത്രി പന്ത്രണ്ടിനായിരുന്നു അപകടം. പ്ലംബിംഗ് ജോലിക്കാരനായ മനീഷിന്റെ ആഡംബര ബൈക്കാണ് അപകടത്തിൽപ്പെട്ടത്.
മനീഷാണ് ബൈക്ക് ഓടിച്ചിരുന്നത്. ബൈക്ക് തെന്നി മറിഞ്ഞതിനെ തുടർന്ന് യാത്രക്കാർ റോഡിലേയ്ക്ക് തെറിച്ചു വീഴുകയായിരുന്നു. അപകട സ്ഥലത്തുവച്ചു തന്നെ ഇരുവരും മരണമടഞ്ഞതായാണ് വിവരം. ഇരവിപുരം പോലീസ് കേസെടുത്തു.