മു​ള്‍​ട്ടാ​ന്‍: പാ​ക്കി​സ്ഥാ​നെ​തി​രാ​യ ഒ​ന്നാം ക്രി​ക്ക​റ്റ് ടെ​സ്റ്റി​ല്‍ ഇം​ഗ്ല​ണ്ടി​ന് കൂ​റ്റ​ൻ സ്കോ​ർ. ഒ​ന്നാം ഇ​ന്നിം​ഗ്സ് ബാ​റ്റിം​ഗ് തു​ട​രു​ന്ന ഇം​ഗ്ല​ണ്ട് നാ​ലാം​ദി​നം ഉ​ച്ച​ഭ​ക്ഷ​ത്തി​നു പി​രി​യു​മ്പോ​ള്‍ മൂ​ന്നു വി​ക്ക​റ്റ് ന​ഷ്ട​ത്തി​ല്‍ 658 റ​ണ്‍​സെ​ന്ന ശ​ക്ത​മാ​യ നി​ല​യി​ലാ​ണ്. നി​ല​വി​ൽ ഇം​ഗ്ല​ണ്ടി​ന് 102 റ​ണ്‍​സ് ലീ​ഡു​ണ്ട്.

ഇ​ര​ട്ട​സെ​ഞ്ചു​റി​ക​ളു​മാ​യി പു​റ​ത്താ​കാ​തെ നി​ല്ക്കു​ന്ന ജോ ​റൂ​ട്ടും (259) ഹാ​രി ബ്രൂ​ക്കു​മാ​ണ് (218) ഇം​ഗ്ല ണ്ടി​ന് പ​ടു​കൂ​റ്റ​ൻ സ്കോ​ർ സ​മ്മാ​നി​ച്ച​ത്. നാ​ലാം വി​ക്ക​റ്റി​ൽ ഇ​രു​വ​രും ചേ​ർ​ന്ന് 409 റ​ൺ​സി​ന്‍റെ അ​പ​രാ​ജി​ത കൂ​ട്ടു​കെ​ട്ട് പ​ടു​ത്തു​യ​ർ​ത്തി.

മൂ​ന്നി​ന് 492 റ​ണ്‍​സ് എ​ന്ന നി​ല​യി​ൽ നാ​ലാം ദി​നം തു​ട​ങ്ങി​യ ഇം​ഗ്ല​ണ്ടി​നു വേ​ണ്ടി റൂ​ട്ടും ബ്രൂ​ക്കും അ​തി​വേ​ഗം സ്കോ​ർ​ബോ​ർ​ഡ് ച​ലി​പ്പി​ച്ചു. ആ​ദ്യം റൂ​ട്ടാ​ണ് ഇ​ര​ട്ട​ശ​ത​കം പി​ന്നി​ട്ട​ത്. 368 പ​ന്തി​ൽ 17 ബൗ​ണ്ട​റി​ക​ൾ ഉ​ൾ​പ്പെ​ടു​ന്ന​താ​ണ് റൂ​ട്ടി​ന്‍റെ ഇ​ന്നിം​ഗ്സ്. അ​തേ​സ​മ​യം, 257 പ​ന്തി​ൽ 20 ബൗ​ണ്ട​റി​ക​ളും ഒ​രു സി​ക്സ​റു​മു​ൾ‌​പ്പെ​ടെ​യാ​ണ് ബ്രൂ​ക്ക് ഇ​ര​ട്ട​ശ​ത​ക​ത്തി​ലെ​ത്തി​യ​ത്.

പാ​ക്കി​സ്ഥാ​നെ​തി​രേ ഇം​ഗ്ല​ണ്ടി​ന്‍റെ ഉ​യ​ർ​ന്ന കൂ​ട്ടു​കെ​ട്ടു കൂ​ടി​യാ​ണി​ത്. 2020ൽ ​സ​താം​പ്ട​ണി​ൽ ജോ​സ് ബ​ട്‍​ല​ർ – സാ​ക് ക്രോ​ളി സ​ഖ്യം പ​ടു​ത്തു​യ​ർ​ത്തി​യ 359 റ​ൺ​സ് കൂ​ട്ടു​കെ​ട്ടാ​ണ് ഇ​രു​വ​രും മ​റി​ക​ട​ന്ന​ത്. ടെ​സ്റ്റി​ൽ ഇ​തു ര​ണ്ടാം ത​വ​ണ​യാ​ണ് ഒ​രേ മ​ത്സ​ര​ത്തി​ൽ ര​ണ്ട് ഇം​ഗ്ലീ​ഷ് താ​ര​ങ്ങ​ൾ ഇ​ര​ട്ട​ശ​ത​കം നേ​ടു​ന്ന​ത്. 1985ൽ ​ഇ​ന്ത്യ​യ്‌​ക്കെ​തി​രേ ചെ​ന്നൈ​യി​ൽ മൈ​ക്ക് ഗാ​റ്റിം​ഗ് (207), ഗ്രെ​യിം ഫ്ല​വ​ർ (201) എ​ന്നി​വ​രാ​ണ് ഇ​തി​നു മു​ൻ​പ് ഇ​ര​ട്ട​ശ​ത​കം നേ​ടി​യ​ത്.