തി​രു​വ​ന​ന്ത​പു​രം: ക​ള്ളം പ​റ​യാ​ന്‍ മാ​ത്ര​മാ​ണ് ഇ​പ്പോ​ള്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ വാ​യ തു​റ​ക്കു​ന്ന​തെ​ന്ന് കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ന്‍ എം​പി. വി​വാ​ദ​മാ​യ പി​ആ​ര്‍ ഏ​ജ​ന്‍​സി, തൃ​ശൂ​ര്‍ പൂ​രം, എ​ഡി​ജി​പി തു​ട​ങ്ങി​യ വി​ഷ​യ​ങ്ങ​ളി​ലെ​ല്ലാം മു​ഖ്യ​മ​ന്ത്രി പ​ച്ച​ക്ക​ള്ള​ങ്ങ​ളാ​ണ് പ​ത്ര​സ​മ്മേ​ള​ന​ത്തി​ല്‍ ത​ട്ടി​വി​ട്ട​തെ​ന്നും സു​ധാ​ക​ര​ൻ പ​റ​ഞ്ഞു.

മ​ഹാ​ര​ഥ​ന്മാ​രാ​യ മു​ഖ്യ​മ​ന്ത്രി​മാ​ര്‍ ഇ​രു​ന്ന ക​സേ​ര​യി​ലാ​ണ് താ​ന്‍ ഇ​രി​ക്കു​ന്ന​തെ​ന്നും കേ​ര​ള​ത്തി​ലെ പ്ര​ബു​ദ്ധ​രാ​യ ജ​ന​ങ്ങ​ളെ​യാ​ണ് അ​ഭി​സം​ബോ​ധ​ന ചെ​യ്യു​ന്ന​തെ​ന്നും പി​ണ​റാ​യി വി​ജ​യ​ന്‍ മ​റ​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

സി​പി​ഐ ത​ല​കു​ത്തി നി​ന്നാ​ല്‍​പോ​ലും എ​ഡി​ജി​പി​യെ ഒ​രു ചു​ക്കും ചെ​യ്യി​ല്ലെ​ന്ന് പി​ണ​റാ​യി വി​ജ​യ​ന്‍ ആ​വ​ര്‍​ത്തി​ക്കു​ക​യും ചെ​യ്തു. സി​പി​ഐ സെ​ക്ര​ട്ട​റി ബി​നോ​യ് വി​ശ്വം കാ​ശി​ക്കു പോ​കു​ന്ന​താ​ണ് ന​ല്ല​തെ​ന്നും സു​ധാ​ക​ര​ൻ പ​രി​ഹ​സി​ച്ചു.

എ​ഡി​ജി​പി​യു​ടെ വീ​ഴ്ച​ക​ള്‍ അ​ക്ക​മി​ട്ടു നി​ര​ത്തി ഡി​ജി​പി ന​ല്കി​യ റി​പ്പോ​ര്‍​ട്ട് ഒ​ക്ക​ത്തു​വ​ച്ചു​കൊ​ണ്ടാ​ണ് മ​റ്റൊ​രു റി​പ്പോ​ര്‍​ട്ട് ന​ല്കാ​ന്‍ വീ​ണ്ടും ഡി​ജി​പി​യെ ചു​മ​ത​ല​പ്പെ​ടു​ത്തി​യ​ത്. അ​തി​ന് പു​റ​മെ പൂ​രം ക​ല​ക്ക​ല്‍ അ​ട്ടി​മ​റി​യി​ലെ ഗൂ​ഡാ​ലോ​ച​ന​യി​ല്‍ ക്രൈം ​ബ്രാ​ഞ്ച് എ​ഡി​ജി​പി​യും ര​ഹ​സ്യാ​ന്വേ​ഷ​ണ വി​ഭാ​ഗം മേ​ധാ​വി​യും അ​ന്വേ​ഷ​ണം ന​ട​ത്തു​മെ​ന്നാ​ണ് പ​റ​യു​ന്ന​ത്. ഇ​തെ​ല്ലാം വെ​റും പ്ര​ഹ​സ​ന​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.