‌‌‌തി​രു​വ​ന​ന്ത​പു​രം: കൊ​ല്ലം-​എ​റ​ണാ​കു​ളം റൂ​ട്ടി​ൽ പു​തി​യ മെ​മു സ​ർ​വീ​സ് അ​നു​വ​ദി​ച്ചു. പാ​ല​രു​വി​യ്ക്കും വേ​ണാ​ടി​നും ഇ​ട​യി​ലാ​ണ് മെ​മു ട്രെ​യി​ൻ അ​നു​വ​ദി​ച്ച​ത്. ആ​ഴ്ച​യി​ൽ അ​ഞ്ച് ദി​വ​സ​മാ​ണ് പു​തി​യ സ​ർ​വീ​സ്.

രാ​വി​ലെ 06.15 ന് ​കൊ​ല്ല​ത്ത് നി​ന്ന് പു​റ​പ്പെ​ട്ട് എ​റ​ണാ​കു​ളം ജം​ഗ്ഷ​നി​ൽ 09.35 ന് ​എ​ത്തു​ന്ന വി​ധ​മാ​ണ് സ​മ​യ​ക്ര​മം ചി​ട്ട​പ്പെ​ടു​ത്തി​യി​രി​ക്കു​ന്ന​ത്. ഇ​തോ​ടെ കോ​ട്ട​യം - എ​റ​ണാ​കു​ളം പാ​ത​യി​ലെ ക​ടു​ത്ത യാ​ത്രാ​ക്ലേ​ശ​ത്തി​ന് വ​ലി​യ പ​രി​ഹാ​ര​മാ​കു​മെ​ന്ന് യാ​ത്ര​ക്കാ​രു​ടെ സം​ഘ​ട​ന​യാ​യ ഫ്ര​ണ്ട്സ് ഓ​ൺ റെ​യി​ൽ​സ് വാ​ര്‍​ത്താ കു​റി​പ്പി​ൽ പ​റ​ഞ്ഞു.

കോ​ട്ട​യം - എ​റ​ണാ​കു​ളം പാ​ത​യി​ലെ ക​ടു​ത്ത യാ​ത്രാ​ക്ലേ​ശ​ത്തി​ന് കൊ​ടി​ക്കു​ന്നി​ൽ എം​പി​യു​ടെഇ​ട​പെ​ട​ലി​ൽ പ​രി​ഹാ​ര​മാ​യി. സെ​പ്റ്റം​ബ​ർ 23 ന് ​വേ​ണാ​ടി​ൽ ര​ണ്ട് സ്ത്രീ​ക​ൾ കു​ഴ​ഞ്ഞു വീ​ണ സം​ഭ​വം ഫ്ര​ണ്ട്‌​സ് ഓ​ൺ റെ​യി​ൽ​സ് പ്ര​തി​നി​ധി​ക​ൾ എംപി യു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു.

പു​ല​ർ​ച്ചെ പാ​ല​രു​വി​ക്കും വേ​ണാ​ടി​നും ഇ​ട​യി​ൽ ഒ​രു സ​ർ​വീ​സ് ആ​രം​ഭി​ക്ക​ണ​മെ​ന്ന വ​ർ​ഷ​ങ്ങ​ളാ​യു​ള്ള ആ​വ​ശ്യം ഇ​തോ​ടെ സ​ഫ​ല​മാ​യി​രി​ക്കു​ക​യാ​ണെ​ന്ന് യാ​ത്ര​ക്കാ​രു​ടെ സം​ഘ​ട​ന​യാ​യ ഫ്ര​ണ്ട്‌​സ് ഓ​ൺ റെ​യി​ൽ​സ് സെ​ക്ര​ട്ട​റി ലി​യോ​ൺ​സ് ജെ ​അ​റി​യി​ച്ചു.

കോ​ട്ട​യം പാ​ത​യി​ലെ തി​ര​ക്കു​ക​ൾ​ക്ക് പ​രി​ഹാ​ര​മാ​കു​മെ​ന്ന് മാ​ത്ര​മ​ല്ല, വേ​ണാ​ടി​ന് സ്റ്റോ​പ്പ്‌ ഇ​ല്ലാ​ത്ത മ​റ്റു സ്റ്റേ​ഷ​നി​ലെ യാ​ത്ര​ക്കാ​രു​ടെ പ്ര​ശ്ന​ങ്ങ​ൾ​ക്കും ഈ ​സ​ർ​വീ​സ് ഒ​രു പ​രി​ഹാ​ര​മാ​കു​മെ​ന്ന് എ​ക്സി​ക്യൂ​ട്ടീ​വ് മെ​മ്പ​റു​മാ​രാ​യ അ​ജാ​സ് വ​ട​ക്കേ​ടം, ശ്രീ​ജി​ത്ത് കു​മാ​ർ എ​ന്നി​വ​ർ അ​ഭി​പ്രാ​യ​പ്പെ​ട്ടു.

ഒ​ക്ടോ​ബ​ർ ഏ​ഴി​ന് ഉ​ദ്ഘാ​ട​ന​യാ​ത്ര​യി​ൽ കൊ​ടി​ക്കു​ന്നി​ൽ സു​രേ​ഷ് എംപി കൊ​ല്ലം മു​ത​ൽ എ​റ​ണാ​കു​ളം വ​രെ യാ​ത്ര​ക്കാ​രോ​ടൊ​പ്പം മെ​മുവി​ൽ യാ​ത്ര​ചെ​യ്യും.