കൊ​ച്ചി: റി​ക്കാ​ര്‍​ഡു​ക​ള്‍ ഭേ​ദി​ച്ച് മു​ന്നേ​റി​യ സ്വ​ർ​ണ​വി​ല​യി​ൽ നേ​രി​യ ഇ​ടി​വ്. പ​വ​ന് 40 രൂ​പ​യും ഗ്രാ​മി​ന് അ​ഞ്ചു രൂ​പ​യു​മാ​ണ് കു​റ​ഞ്ഞ​ത്. ഇ​തോ​ടെ ഒ​രു പ​വ​ന്‍ സ്വ​ര്‍​ണ​ത്തി​ന് 56,760 രൂ​പ​യി​ലും ഗ്രാ​മി​ന് 7,095 രൂ​പ​യി​ലു​മാ​ണ് ഇ​ന്ന് വ്യാ​പാ​രം പു​രോ​ഗ​മി​ക്കു​ന്ന​ത്. അ​തേ​സ​മ​യം,‌ 18 കാ​ര​റ്റ് സ്വ​ര്‍​ണ വി​ല​യി​ല്‍ ഇ​ന്ന് മാ​റ്റ​മി​ല്ല. ഗ്രാ​മി​ന് 5,870 രൂ​പ​യി​ല്‍ തു​ട​രു​ന്നു.

തു​ട​ര്‍​ച്ച​യാ​യ ആ​റ് ദി​വ​സ​ത്തെ മു​ന്നേ​റ്റ​ത്തി​നു ശേ​ഷ​മാ​ണ് ഇ​ന്ന് വി​ല​യി​ല്‍ ഇ​ടി​വു​ണ്ടാ​യ​ത്. വെ​ള്ളി​യാ​ഴ്ച പ​വ​ന് 320 രൂ​പ​യും ബു​ധ​നാ​ഴ്ച പ​വ​ന് 480 രൂ​പ​യും തി​ങ്ക​ളാ​ഴ്ച​യും ചൊ​വ്വാ​ഴ്ച​യും ഗ്രാ​മി​ന് 20 രൂ​പ​യും പ​വ​ന് 160 രൂ​പ​യും വീ​തം വ​ർ​ധി​ച്ചി​രു​ന്നു. ഇ​തോ​ടെ, ഒ​രാ​ഴ്ച​യ്ക്കി​ടെ ഏ​ക​ദേ​ശം 2,200 രൂ​പ​യാ​ണ് വ​ര്‍​ധി​ച്ച​ത്.

മേ​യി​ല്‍ രേ​ഖ​പ്പെ​ടു​ത്തി​യ പ​വ​ന് 55,120 എ​ന്ന റി​ക്കാ​ര്‍​ഡ് തി​രു​ത്തി​യാ​ണ് ക​ഴി​ഞ്ഞ ദി​വ​സം സ്വ​ര്‍​ണ​വി​ല പു​തി​യ ഉ​യ​രം കു​റി​ച്ച​ത്. സെ​പ്റ്റം​ബ​ർ ഒ​ന്നി​ന് 53,560 രൂ​പ​യാ​യി​രു​ന്നു വി​ല. തു​ട​ർ​ന്നു​ള്ള മൂ​ന്ന് ദി​വ​സ​ങ്ങ​ളി​ൽ ഈ ​മാ​സ​ത്തെ ഏ​റ്റ​വും താ​ഴ്ന്ന വി​ല​യാ​യ 53,360 രൂ​പ​യി​ലാ​ണ് സ്വ​ർ​ണ​മെ​ത്തി​യ​ത്. പ​ടി​പ​ടി ഉ​യ​ര്‍​ന്ന സ്വ​ര്‍​ണ​വി​ല സെ​പ്റ്റം​ബ​ര്‍ 16നാ​ണ് വീ​ണ്ടും 55,000 ക​ട​ന്ന​ത്.

എ​ന്നാ​ല്‍ പി​ന്നീ​ടു​ള്ള മൂ​ന്ന് ദി​വ​സം ഇ​ടി​ഞ്ഞ​തോ​ടെ സ്വ​ര്‍​ണ​വി​ല വീ​ണ്ടും 55,000ല്‍ ​താ​ഴെ​യെ​ത്തി. എ​ന്നാ​ല്‍ ആ​റു​ദി​വ​സ​മാ​യി വീ​ണ്ടും കു​തി​പ്പ് തു​ട​ര്‍​ന്ന​തോ​ടെ പു​തി​യ ഉ​യ​രം കു​റി​ക്കു​ക​യാ​യി​രു​ന്നു.

പ​ശ്ചി​മേ​ഷ്യ​യി​ൽ ഉ​ണ്ടാ​യ സം​ഘ​ർ​ഷ​ത്തെ തു​ട​ർ​ന്നാ​ണ് സ്വ​ർ​ണ​വി​ല​യി​ൽ ഇ​പ്പോ​ൾ വ​ർ​ധ​ന​വ് ഉ​ണ്ടാ​യി​രി​ക്കു​ന്ന​ത്. അ​ന്താ​രാ​ഷ്ട്ര വി​ല വെ​ള്ളി​യാ​ഴ്ച 0.46 ശ​ത​മാ​നം ഇ​ടി​ഞ്ഞ് 2,657.97 രൂ​പ​യി​ലാ​ണ് വ്യാ​പാ​രം അ​വ​സാ​നി​പ്പി​ച്ച​ത്. 28 ഡോ​ള​റോ​ളം കു​റ​വു വ​ന്നെ​ങ്കി​ലും കേ​ര​ള​ത്തി​ല്‍ ആ​നു​പാ​തി​ക​മാ​യ കു​റ​വു വ​ന്നി​ട്ടി​ല്ല.

അ​തേ​സ​മ​യം, വെ​ള്ളി​യു​ടെ വി​ല​യും കു​റ​ഞ്ഞി​ട്ടു​ണ്ട്. ഒ​രു ഗ്രാം ​വെ​ള്ളി​യു​ടെ വി​ല ഒ​രു രൂ​പ കു​റ​ഞ്ഞ് 99 രൂ​പ​യാ​യി.