എറണാകുളത്ത് കൊളജ് വിദ്യാർഥിക്ക് കുത്തേറ്റു
Saturday, September 28, 2024 6:03 AM IST
കൊച്ചി: എറണാകുളം കാക്കനാട് കോളജ് വിദ്യാർഥിക്ക് കുത്തേറ്റു. ഭാരത് മാതാ കോളേജിലെ വിദ്യാർഥിയും കാസര്കോട് സ്വദേശിയുമായ ഇജോ സെബാസ്റ്റ്യനാണ് കുത്തേറ്റത്. കാക്കനാട് ഭാരത് മാതാ കോളേജിന് സമീപമുണ്ടായ സംഘർത്തെ തുടർന്നാണ് ഇജോയ്ക്ക് കുത്തേറ്റത്.
വെള്ളിയാഴ്ച വൊകുന്നേരം ആറരയോടെയായിരുന്നു സംഭവം. ചായക്കടയില്വെച്ചുണ്ടായ വാക്കേറ്റം സംഘര്ഷത്തില് കലാശിക്കുകയായിരുന്നു. വാക്കേറ്റത്തിനിടെ ഇക്രു എന്ന ആള് ഇജോയുടെ മുതുകില് കത്തികൊണ്ട് കുത്തുകയായിരുന്നു.
ഇജോയെ ആശുപത്രിയില് പ്രവേശിപ്പിച്ചു. വിവരമറിഞ്ഞ് തൃക്കാക്കര പൊലീസ് സ്ഥലത്തെത്തി. സംഭവത്തില് ഇക്രു ഉള്പ്പെടെ മൂന്ന് പേര്ക്കെതിരെ പൊലീസ് കേസ് രജിസ്റ്റര് ചെയ്തു.