മന്ത്രിസ്ഥാനം മാറ്റുന്നതില് എന്സിപിയില് ഒരു ചര്ച്ചയും നടക്കുന്നില്ല: എ.കെ.ശശീന്ദ്രന്
Monday, September 23, 2024 12:27 PM IST
തിരുവനന്തപുരം: മന്ത്രിസ്ഥാനം മാറ്റുന്നതില് എന്സിപിയില് ഒരു ചര്ച്ചയും നടന്നിട്ടില്ലെന്ന് പാര്ട്ടി അധ്യക്ഷന് തന്നെ പറഞ്ഞിട്ടുണ്ടെന്ന് മന്ത്രി എ.കെ.ശശീന്ദ്രന്. ഇപ്പോള് പാര്ട്ടി ഒരു പണി ഏല്പ്പിച്ചിട്ടുണ്ട്. ആ പണിയാണ് താന് ചെയ്യുന്നതെന്നും ശശീന്ദ്രൻ പ്രതികരിച്ചു.
മുംബൈയില് ശരദ് പവാറിന്റെ സാന്നിധ്യത്തില് നടന്ന ചര്ച്ചയില് മന്ത്രിസ്ഥാനം ഒഴിയാന് എ.കെ.ശശീന്ദ്രന് സന്നദ്ധത അറിയിച്ചതായി റിപ്പോർട്ടുകൾ പുറത്തുവന്നിരുന്നു. ശശീന്ദ്രന് പകരം തോമസ് കെ. തോമസ് മന്ത്രിയാകുമെന്നായിരുന്നു സൂചന. ഇതിന് പിന്നാലെയാണ് ഇത്തരം ഒരു ചർച്ചയും നടക്കുന്നില്ലെന്ന് പറഞ്ഞ് ശശീന്ദ്രൻ രംഗത്തുവന്നത്.