എം.എം. ലോറന്സിന് ഇന്ന് വിട നല്കും; വൈകുന്നേരം വരെ പൊതുദർശനം
Monday, September 23, 2024 11:20 AM IST
കൊച്ചി: അന്തരിച്ച മുതിര്ന്ന സിപിഎം നേതാവ് എം.എം. ലോറന്സിന് കേരളം ഇന്നു വിട നല്കും. മെഡിക്കല് ട്രസ്റ്റ് ആശുപത്രി മോര്ച്ചറിയിലുള്ള മൃതദേഹം പൊതുദര്ശനത്തിനായി രാവിലെ എട്ടിന് ഗാന്ധിനഗറിലെ വീട്ടില് എത്തിച്ചു.
തുടര്ന്ന് സിപിഎം ജില്ലാ കമ്മിറ്റി ഓഫീസായ ലെനിന് സെന്ററിലും പിന്നീട് ടൗൺ ഹാളിലുമെത്തിച്ചു. വൈകുന്നേരം നാലു വരെയാണ് ടൗണ്ഹാളില് പൊതുദര്ശനം. തുടർന്ന് മൃതദേഹം ഗവ. മെഡിക്കല് കോളജ് ആശുപത്രിക്കു കൈമാറും. അതിനുശേഷം ടൗണ്ഹാളില് അനുശോചനയോഗം ചേരും.