ശത്രുക്കള്ക്ക് കൊത്തിവലിക്കാന് പാര്ട്ടിയെ ഇട്ടുകൊടുക്കരുത്: പി.കെ.ശ്രീമതി
Monday, September 23, 2024 10:38 AM IST
തിരുവനന്തപുരം: അനുഭാവി ആയാലും ആരായാലും ശത്രുക്കള്ക്ക് കൊത്തിവലിക്കാന് പാര്ട്ടിയെ ഇട്ടുകൊടുക്കരുതെന്ന് മുന് മന്ത്രിയും സിപിഎം നേതാവുമായ പി.കെ.ശ്രീമതി. അങ്ങനെ ചെയ്യുന്നത് ശരിയല്ലെന്ന് ശ്രീമതി പ്രതികരിച്ചു.
പി.വി.അന്വറുമായി ബന്ധപ്പെട്ട വിവാദത്തിലാണ് പ്രതികരണം. സിപിഎം പാവപ്പെട്ടവരുടെയും സാധാരണക്കാരുടെയും പാര്ട്ടിയാണെന്നും അവർ പറഞ്ഞു.
മുഖ്യമന്ത്രിക്ക് പിന്നാലെ അൻവറിനെ തള്ളി സിപിഎം സംസ്ഥാന സെക്രട്ടറിയേറ്റും പ്രസ്താവനയിറക്കിയിരുന്നു. അന്വറിന്റെ നിലപാടുകള് പാര്ട്ടി ശത്രുക്കള്ക്കുള്ള ആയുധമെന്ന് സംസ്ഥാന സെക്രട്ടറിയേറ്റ് നിരീക്ഷിച്ചു.
അന്വറിന്റെ നിലപാടുകളോട് പാര്ട്ടിക്ക് യോജിപ്പില്ല. പാര്ട്ടിയെയും മുന്നണിയെയും സര്ക്കാരിനെയും പ്രതിരോധത്തിലാക്കുന്നതും ദുര്ബലപ്പെടുത്തുന്നതുമായ നിലപാടാണ് അന്വറിന്റേത്. ഇത്തരം സമീപനങ്ങളില്നിന്ന് പിന്മാറണമെന്ന് സിപിഎം മുന്നറിയിപ്പ് നൽകി.