കല്ലട ബസ് ബൈക്കിലിടിച്ച് അപകടം; യുവാവ് മരിച്ചു
Monday, September 23, 2024 10:20 AM IST
ഇടുക്കി: അന്തര് സംസ്ഥാന സ്വകാര്യ ബസ് ബൈക്കിലിടിച്ചുണ്ടായ അപകടത്തിൽ യുവാവ് മരിച്ചു. ഇടുക്കി ഒളമറ്റം പൊന്നന്താനം തടത്തില് ടി.എസ്.ആല്ബര്ട്ട് (19) ആണ് മരിച്ചത്.
ഒപ്പമുണ്ടായിരുന്നയാൾക്ക് ഗുരുതരമായി പരിക്കേറ്റു. കരിങ്കുന്നം വടക്കുംമുറി കൊച്ചുഭൂതക്കാട്ടില് എബിന് ജോബിക്കാണ് പരിക്കേറ്റത്. ഇയാളുടെ വലതുകാല് അറ്റുപോയി.
ഞായറാഴ്ച രാത്രി എട്ടോടെ കരിങ്കുന്നത്തിനടുത്ത് തവളകുഴിയിലായിരുന്നു അപകടം. പാലാ ഭാഗത്തേയ്ക്ക് പോകുകയായിരുന്ന ബൈക്കും എതിര്ദിശയിലെത്തിയ കല്ലട ബസും കൂട്ടിയിടിക്കുകയായിരുന്നു. എബിനാണ് ബൈക്ക് ഓടിച്ചിരുന്നത്