ചെ​ന്നൈ: ര​വി​ച​ന്ദ്ര​ൻ അ​ശ്വി​ന്‍റെ സെ​ഞ്ചു​റി​യും ര​വീ​ന്ദ്ര ജ​ഡേ​ജ​യു​ടെ അ​ർ​ധ സെ​ഞ്ചു​റി​യും ആ​ദ്യ​ദി​നം ക​രു​ത്താ​യ​പ്പോ​ൾ ബം​ഗ്ലാ​ദേ​ശി​നെ​തി​രാ​യ ആ​ദ്യ ടെ​സ്റ്റി​ലെ ഒ​ന്നാം ഇ​ന്നിം​ഗ്സി​ൽ ഇ​ന്ത്യ മി​ക​ച്ച സ്കോ​റി​ലേ​ക്ക്. ആ​ദ്യ ദി​നം ക​ളി​നി​ർ​ത്തു​മ്പോ​ൾ ടീം ​ഇ​ന്ത്യ ആ​റ് വി​ക്ക​റ്റ് ന​ഷ്ട​ത്തി​ൽ 339 റ​ൺ​സ് എ​ന്ന നി​ല​യി​ലാ​ണ്.

ക​രി​യ​റി​ലെ ആ​റാം ടെ​സ്റ്റ് സെ​ഞ്ചു​റി​യു​മാ​യി തി​ള​ങ്ങി​യ അ​ശ്വി​ൻ 102 റ​ൺ​സോ​ടെ ക്രീ​സി​ലു​ണ്ട്. 86 റ​ൺ​സു​മാ​യി ജ​ഡേ​ജ​യാ​ണ് അ​ശ്വി​ന് കൂ​ട്ട്. ഇ​രു​വ​രും ചേ​ർ​ന്ന് ഏ​ഴാം വി​ക്ക​റ്റി​ൽ ഇ​തു​വ​രെ 195 റ​ൺ​സ് അ​ടി​ച്ചു​കൂ​ട്ടി​യി​ട്ടു​ണ്ട്.

ടോ​സ് ന​ഷ്ട​പ്പെ​ട്ട് ചെ​പ്പോ​ക്കി​ൽ ബാ​റ്റിം​ഗി​നി​റ​ങ്ങി​യ ഇ​ന്ത്യ​യ്ക്ക് ബം​ഗ്ലാ​ദേ​ശ് പേ​സ​ർ ഹ​സ​ൻ മ​ഹ​മൂ​ദ് അ​പ്ര​തീ​ക്ഷി​ത പ്ര​ഹ​ര​മാ​ണ് ഏ​ൽ​പ്പി​ച്ച​ത്. ക്യാ​പ്റ്റ​ൻ രോ​ഹി​ത് ശ​ർ​മ (6), ശു​ഭ്മാ​ൻ ഗി​ൽ (0), വി​രാ​ട് കോ​ഹ്‌​ലി (6) എ​ന്നി​വ​രെ 34 റ​ൺ​സി​നി​ടെ ഹ​സ​ൻ മ​ട​ക്കി.

നാ​ലാം വി​ക്ക​റ്റി​ൽ യ​ശ്വ​സി ജ​യ്‌​സ്വാ​ളും ഋ​ഷ​ഭ് പ​ന്തും ചേ​ർ​ന്ന് ഇ​ന്ത്യ​യെ ക​ര​ക​യ​റ്റി. സ്കോ​ർ 96-ൽ ​എ​ത്തി​യ​പ്പോ​ൾ 39 റ​ൺ​സു​മാ​യി പ​ന്ത് മ​ട​ങ്ങി. 56 റ​ൺ​സ് നേ​ടി​യ ജ​യ്സ്വാ​ളും 16 റ​ൺ​സു​മാ​യി കെ.​എ​ൽ.​രാ​ഹു​ലും മ​ട​ങ്ങി​യ ശേ​ഷ​മാ​ണ് ക്രീ​സി​ൽ അ​ശ്വി​ൻ-​ജ​ഡേ​ജ സ​ഖ്യം ഒ​ന്നി​ച്ച​ത്.

അ​തി​വേ​ഗ​ത്തി​ൽ സ്കോ​ർ ചെ​യ്ത അ​ശ്വി​ൻ ബം​ഗ്ലാ​ദേ​ശ് ബൗ​ള​ർ​മാ​രു​ടെ താ​ളം തെ​റ്റി​ച്ചു. 112 പ​ന്തി​ൽ 10 ഫോ​റും ര​ണ്ട് സി​ക്സ​റു​ക​ളും പ​റ​ത്തി​യാ​ണ് അ​ശ്വി​ന്‍റെ 102 റ​ൺ​സ് നേ​ടി​യ​ത്. ജ​ഡേ​ജ​യും 10 ഫോ​റും ര​ണ്ട് സി​ക്സും പ​റ​ത്തി.

ബം​ഗ്ലാ​ദേ​ശി​നാ​യി ഹ​സ​ൻ മ​ഹ്മൂ​ദ് നാ​ല് വി​ക്ക​റ്റും ന​ഹ്ദി റാ​ണ, മെ​ഹ്ദി ഹ​സ​ൻ എ​ന്നി​വ​ർ ഒ​രോ വി​ക്ക​റ്റ് വീ​ത​വും വീ​ഴ്ത്തി.