ഇ​ടു​ക്കി: ഏ​ല​ക്കാ വി​ല്‍​പ്പ​ന​യു​ടെ മ​റ​വി​ല്‍ കോ​ടി​ക​ള്‍ ക​ബ​ളി​പ്പി​ച്ച സം​ഭ​വ​ത്തി​ല്‍ മു​ഖ്യ ആ​സൂ​ത്ര​ക​നെ അ​ടി​മാ​ലി പോ​ലീ​സ് അ​റ​സ്റ്റ് ചെ​യ്തു. പാ​ല​ക്കാ​ട് സ്വ​ദേ​ശി മു​ഹ​മ്മ​ദ് ന​സീ​റാ​ണ് അ​റ​സ്റ്റി​ലാ​യ​ത്. ക​ബ​ളി​ക്ക​പ്പെ​ട്ട ഏ​ലം ക​ര്‍​ഷ​ക​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് അ​ടി​മാ​ലി പോ​ലീ​സി​ന്‍റെ നേ​തൃ​ത്വ​ത്തി​ലു​ള്ള സം​ഘം ആ​ല​പ്പു​ഴ​യി​ല്‍​നി​ന്ന് പ്ര​തി​യെ പി​ടി​കൂ​ടി​യ​ത്.

കൊ​ന്ന​ത്ത​ടി, കൊ​മ്പൊ​ടി​ഞ്ഞാ​ല്‍ അ​ട​ക്കം ജി​ല്ല​യി​ലെ വി​വി​ധ മേ​ഖ​ല​ക​ളി​ല്‍ നി​ന്ന് ക​ര്‍​ഷ​ക​രെ ക​ബ​ളി​പ്പി​ച്ചു കോ​ടി​ക​ള്‍ ത​ട്ടി​യെ​ന്ന പ​രാ​തി​യി​ല്‍ പോ​ലീ​സ് ഇ​യാ​ള്‍​ക്കെ​തി​രേ അ​ന്വേ​ഷ​ണം ന​ട​ത്തി വ​രി​ക​യാ​യി​രു​ന്നു. അ​ടി​മാ​ലി, വെ​ള്ള​ത്തൂ​വ​ല്‍ സ്റ്റേ​ഷ​നു​ക​ളി​ല്‍ ഇ​യാ​ള്‍​ക്കെ​തി​രെ നി​ര​വ​ധി പ​രാ​തി​ക​ള്‍ ല​ഭി​ച്ചി​രു​ന്നു.

ഇ​ടു​ക്കി​യി​ലെ പ​ല കേ​ന്ദ്ര​ങ്ങ​ളി​ലും ഏ​ല​ക്കാ സം​ഭ​ര​ണ കേ​ന്ദ്ര​ങ്ങ​ള്‍ ആ​രം​ഭി​ച്ച് മൊ​ത്ത​മാ​യും ചി​ല്ല​റ​യാ​യും ഏ​ല​ക്കാ വാ​ങ്ങി​യാ​ണ് ത​ട്ടി​പ്പ് ന​ട​ത്തി​യ​ത്. വി​പ​ണി വി​ല​യെ​ക്കാ​ള്‍ 1,000 രൂ​പ വ​രെ അ​ധി​കം വി​ല​യി​ട്ട് ഏ​ല​ക്ക സം​ഭ​രി​ച്ച ശേ​ഷ​മാ​ണ് പ​ണം ന​ല്‍​കാ​തെ ക​ര്‍​ഷ​ക​രെ​യും ഇ​ട​നി​ല​ക്കാ​രെ​യും വ്യാ​പാ​രി​ക​ളെ​യും പ​റ്റി​ച്ചു ക​ട​ന്നു​ക​ള​ഞ്ഞ​ത്.

കൊ​ന്ന​ത്ത​ടി പ​ഞ്ചാ​യ​ത്തി​ലെ പ​ണി​ക്ക​ന്‍​കൂ​ടി കേ​ന്ദ്രീ​ക​രി​ച്ചാ​ണ് ആ​ദ്യ​ഘ​ട്ട​ത്തി​ല്‍ ഏ​ല​ക്കാ സം​ഭ​രി​ച്ചി​രു​ന്ന​ത്. അ​ന്ന് ആ​ദ്യ​ഘ​ട്ട​ങ്ങ​ളി​ല്‍ കൃ​ത്യ​മാ​യി പ​ണം ന​ല്‍​കി​യി​രു​ന്നു. പി​ന്നീ​ട് 30 മു​ത​ല്‍ 45 ദി​വ​സ​ത്തി​നു​ള്ളി​ല്‍ പ​ണം ന​ല്‍​കാ​മെ​ന്ന് പ​റ​ഞ്ഞാ​ണ് ഏ​ല​ക്കാ സം​ഭ​രി​ച്ച് ലോ​ഡ് ക​യ​റ്റി അ​യ​ച്ചി​രു​ന്ന​ത്. ക​ര്‍​ഷ​ക​രേ​ക്കാ​ള്‍ അ​ധി​കം ഇ​ട​നി​ല വ്യാ​പാ​രി​ക​ളാ​ണ് ക​ബ​ളി​പ്പി​ക്ക​പ്പെ​ട്ട​ത്.

പ​ണം ല​ഭി​ക്കാ​നു​ള്ള​വ​ര്‍ ഇ​ടു​ക്കി ജി​ല്ല​യി​ലെ വി​വി​ധ സ്റ്റേ​ഷ​നു​ക​ളി​ല്‍ പ​രാ​തി ന​ല്‍​കി​യി​രി​ക്കു​ക​യാ​ണ്. ഒ​രു​ല​ക്ഷം മു​ത​ല്‍ 70 ല​ക്ഷം രൂ​പ വ​രെ പ​ല​ര്‍​ക്കും ല​ഭി​ക്കാ​നു​ണ്ട്. എ​ന്‍ ഗ്രീ​ന്‍ ഇ​ന്‍റ​ര്‍​നാ​ഷ​ണ​ല്‍ പ്രൈ​വ​റ്റ് ലി​മി​റ്റ​ഡ് എ​ന്ന സ്ഥാ​പ​ന​ത്തി​ന്‍റെ പേ​രി​ല്‍ വി​വി​ധ സ്ഥ​ല​ങ്ങ​ളി​ല്‍ ക​ട​മു​റി​ക​ള്‍ വാ​ട​ക​യ്ക്ക് എ​ടു​ത്ത ശേ​ഷം ജീ​വ​ന​ക്കാ​രെ വ​ച്ച് ഏ​ല​ക്ക സം​ഭ​രി​ക്കു​ക​യാ​യി​രു​ന്നു.

ഏ​ല​ക്കാ​യ്ക​ള്‍ മൊ​ത്ത​മാ​യി വാ​ങ്ങി ഗ്രേ​ഡ് തി​രി​ച്ച് ലോ​ഡ് ക​യ​റ്റു​ന്ന​തി​ന് നി​ര​വ​ധി പേ​രെ പ​ല​യി​ട​ങ്ങ​ളി​ലാ​യി ക​മ്പ​നി​യു​ടെ പേ​രി​ല്‍ നി​യോ​ഗി​ച്ചി​രു​ന്നു. ക​മ്മീ​ഷ​ന്‍ വ്യ​വ​സ്ഥ​യി​ല്‍ ഏ​ല​ക്ക വാ​ങ്ങി ക​മ്പ​നി​ക്ക് കൈ​മാ​റാ​ന്‍ ഏ​ജ​ന്‍റു​മാ​രും പ്ര​വ​ര്‍​ത്തി​ച്ചി​രു​ന്ന​താ​യി ക​ര്‍​ഷ​ക​ര്‍ പ​റ​യു​ന്നു.

സം​ഭ​വ​ത്തെ​ക്കു​റി​ച്ച് പോ​ലീ​സ് വേ​ണ്ട രീ​തി​യി​ലു​ള്ള അ​ന്വേ​ഷ​ണം ന​ട​ത്താ​തെ വ​ന്ന​പ്പോ​ള്‍ വി​വി​ധ രാ​ഷ്ട്രീ​യ ക​ക്ഷി​ക​ളും സം​ഭ​വ​ത്തി​ല്‍ അ​ന്വേ​ഷ​ണം ആ​വ​ശ്യ​പ്പെ​ട്ടു രം​ഗ​ത്തെ​ത്തി​യി​രു​ന്നു. ഈ​യൊ​രു സാ​ഹ​ച​ര്യ​ത്തി​ലാ​ണ് അ​ടി​മാ​ലി പോ​ലീ​സ് സ്റ്റേ​ഷ​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘം ഇ​യാ​ളെ പി​ടി​കൂ​ടി​യ​ത്.