കോ​ഴി​ക്കോ​ട്: ചി​കി​ത്സാ​പ്പി​ഴ​വി​നെ​ത്തു​ട​ര്‍​ന്ന് കോ​ഴി​ക്കോ​ട് ഉ​ള്ള്യേ​രി മൊ​ട​ക്ക​ല്ലൂ​രി​ലെ മ​ല​ബാ​ര്‍ മെ​ഡി​ക്ക​ല്‍ കോ​ള​ജി​ല്‍ ഗ​ര്‍​ഭ​പാ​ത്രം ത​ക​ര്‍​ന്ന് അ​മ്മ​യും കു​ഞ്ഞും മ​രി​ച്ച സം​ഭ​വ​ത്തി​ല്‍ അ​സ്വാ​ഭാ​വി​ക മ​ര​ണ​ത്തി​ന് പോ​ലീ​സ് കേ​സെ​ടു​ത്തു. ഭാ​ര​തീ​യ നാ​ഗ​രി​ക് സു​ര​ക്ഷാ സം​ഹി​ത​യി​ലെ 194 വ​കു​പ്പു​പ്ര​കാ​ര​മാ​ണ് അ​ത്തോ​ളി പോ​ലീ​സ് കേ​സെ​ടു​ത്ത​ത്.

ബാ​ലു​ശേ​രി ഏ​ക​രൂ​ല്‍ ആ​റ​പ്പ​റ്റ​കു​ന്നു​മ്മ​ല്‍ അ​ശ്വ​തി (35)യും ​ഗ​ര്‍​ഭ​സ്ഥ ശി​ശു​വും മ​രി​ച്ച സം​ഭ​വ​ത്തി​ലാ​ണ് കേ​സ്. ഭ​ര്‍​ത്താ​വ് വി​വേ​കി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് കേ​സെ​ടു​ത്തി​ട്ടു​ള്ള​ത്.

അ​ശ്വ​തി​യെ ഈ ​മാ​സം ഏ​ഴി​ന് പ്ര​സ​വ​ത്തി​നാ​യി ആ​ശു​പ​ത്രി​യി​ല്‍ അ​ഡ്മി​റ്റ് ചെ​യ്തി​രു​ന്നു. സി​സേ​റി​യ​ന്‍ ന​ട​ത്താ​നാ​യി തി​യ​റ്റ​റി​ല്‍ ക​യ​റ്റി​യ​പ്പോ​ള്‍ കു​ഞ്ഞു മ​രി​ക്കു​ക​യും അ​ശ്വ​തി​യു​ടെ ഗ​ര്‍​ഭ​പാ​ത്രം എ​ടു​ത്തു​ക​ള​യു​ക​യും പി​ന്നീ​ട് മ​റ്റൊ​രു ആ​ശു​പ​ത്രി​യി​ല്‍​വ​ച്ച് അ​ശ്വ​തി മ​രി​ക്കു​ക​യും ചെ​യ്തു​വെ​ന്നാ​ണ് എ​ഫ്‌​ഐ​ആ​റി​ല്‍ പ​റ​യു​ന്ന​ത്. ആ​ശു​പ​ത്രി അ​ധി​കൃ​ത​രു​ടെ ഭാ​ഗ​ത്ത് ഗു​രു​ത​ര വീ​ഴ്ച​യു​ണ്ടാ​യി​താ​യി ചൂ​ണ്ടി​ക്കാ​ട്ടി​യാ​ണ് വി​വേ​ക് പ​രാ​തി ന​ല്‍​കി​യി​രു​ന്ന​ത്.

ക​ഴി​ഞ്ഞ ശ​നി​യാ​ഴ്ച​യാ​ണ് അ​ശ്വ​തി​യെ പ്ര​സ​വ​ത്തി​നാ​യി മ​ല​ബാ​ര്‍ മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ച​തെ​ന്ന് ബ​ന്ധു​ക്ക​ള്‍ പ​റ​ഞ്ഞു. പ്ര​സ​വ വേ​ദ​ന ഉ​ണ്ടാ​കാ​ത്ത​തി​നെ​ത്തു​ട​ര്‍​ന്ന് ചൊ​വ്വാ​ഴ്ച​യും ബു​ധ​നാ​ഴ്ച​യും മ​രു​ന്നു​വ​ച്ചു. ബു​ധ​നാ​ഴ്ച ഉ​ച്ച​യാ​യ​പ്പോ​ള്‍ വേ​ദ​ന​യു​ണ്ടാ​യെ​ങ്കി​ലും പ്ര​സ​വം ന​ട​ന്നി​ല്ല.

സി​സേ​റി​യ​ന്‍ ന​ട​ത്ത​ണ​മെ​ന്ന് അ​ശ്വ​തി​യും ബ​ന്ധു​ക്ക​ളും ആ​വ​ശ്യ​പ്പെ​ട്ടെ​ങ്കി​ലും സാ​ധാ​ര​ണ രീ​തി​യി​ല്‍ പ്ര​സ​വം ന​ട​ക്കു​മെ​ന്നാ​ണ് ആ​ശു​പ​ത്രി അ​ധി​കൃ​ത​ര്‍ അ​റി​യി​ച്ച​ത്. പി​ന്നീ​ട് വ്യാ​ഴാ​ഴ്ച പു​ല​ര്‍​ച്ചെ ആ​യ​പ്പോ​ള്‍ അ​ശ്വ​തി​യെ ഓ​പ്പ​റേ​ഷ​ന്‍ തി​യ​റ്റ​റി​ലേ​ക്ക് കൊ​ണ്ടു​പോ​കു​ന്ന​തു ക​ണ്ട​താ​യി ബ​ന്ധു​ക്ക​ള്‍ പ​റ​ഞ്ഞു.

ഗ​ര്‍​ഭ​പാ​ത്രം ത​ക​ര്‍​ന്ന് കു​ഞ്ഞ് മ​രി​ച്ചു​വെ​ന്നും ഗ​ര്‍​ഭ​പാ​ത്രം നീ​ക്കി​യി​ല്ലെ​ങ്കി​ല്‍ അ​ശ്വ​തി​യു​ടെ ജീ​വ​നും അ​പ​ക​ട​ത്തി​ലാ​കു​മെ​ന്നും ആ​ശു​പ​ത്രി അ​ധി​കൃ​ത​ര്‍ അ​റി​യി​ച്ചു. ബ​ന്ധു​ക്ക​ളു​ടെ അ​നു​മ​തി​യോ​ടെ ഗ​ര്‍​ഭ​പാ​ത്രം നീ​ക്കം ചെ​യ്യു​ക​യും ചെ​യ്തു.

ആ​രോ​ഗ്യ സ്ഥി​തി മോ​ശ​മാ​യ​തി​നെ​ത്തു​ട​ര്‍​ന്ന് അ​ശ്വ​തി​യെ വെ​ന്‍റി​ലേ​റ്റ​റി​ലേ​ക്ക് മാ​റ്റി. പി​ന്നീ​ട് വി​ദ​ഗ്ധ ചി​കി​ത്സ​യ്ക്ക് കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ലേ​ക്കു മാ​റ്റു​ക​യാ​യി​രു​ന്നു.

വ്യാ​ഴാ​ഴ്ച വൈ​കു​ന്നേ​ര​ത്തോ​ടെ​യാ​ണ് അ​ശ്വ​തി മ​രി​ച്ച​ത്. അ​ശ്വ​തി​യു​ടെ ര​ണ്ടാ​മ​ത്തെ പ്ര​സ​വ​മാ​ണി​ത്.