തൊ​ടു​പു​ഴ: ന​ട​ന്‍ ജ​യ​സൂ​ര്യ ഷൂ​ട്ടിം​ഗ് ലൊ​ക്കേ​ഷ​നി​ല്‍ വ​ച്ച് ക​യ​റിപ്പിടി​ച്ചെ​ന്ന പ​രാ​തി​യി​ല്‍ തൊ​ടു​പു​ഴ പോ​ലീ​സ് അ​ന്വേ​ഷ​ണം ആ​രം​ഭി​ച്ചു. ഇ​തി​ന്‍റെ ഭാ​ഗ​മാ​യി പ​രാ​തി ഉ​ന്ന​യി​ച്ച ന​ടി​യു​ടെ വി​ശ​ദ​മാ​യ മൊ​ഴി​യെ​ടു​പ്പ് തൊ​ടു​പു​ഴ പോ​ലീ​സ് സ്‌​റ്റേ​ഷ​നി​ല്‍ ആ​രം​ഭി​ച്ചു.

തൊ​ടു​പു​ഴ പോ​ലീ​സ് സ്‌​റ്റേ​ഷ​നി​ലെ വ​നി​താ എ​സ്‌​ഐ​യു​ടെ നേ​തൃ​ത്വ​ത്തി​ലാ​ണ് ഇ​ന്നു രാ​വി​ലെ ന​ടി​യെ വി​ളി​ച്ചുവ​രു​ത്തി മൊ​ഴി​യെ​ടു​ത്ത​ത്. ന​ടി ക​ഴി​ഞ്ഞദി​വ​സം ന​ട​ത്തി​യ വെ​ളി​പ്പെ​ടു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ് പോ​ലീ​സ് കേ​സ് ര​ജി​സ്റ്റ​ര്‍ ചെ​യ്ത​ത്. ന​ടി​യു​ടെ മൊ​ഴി​പ​ക​ര്‍​പ്പ് പ്ര​ത്യേ​ക അ​ന്വേ​ഷ​ണ സം​ഘം തൊ​ടു​പു​ഴ പോ​ലീ​സി​നു കൈ​മാ​റി​യ​തി​നെ തു​ട​ര്‍​ന്നാ​ണ് ഇ​വി​ടെ കേ​സ് ര​ജി​സ്റ്റ​ര്‍ ചെ​യ്ത് അ​ന്വേ​ഷ​ണം ആ​രം​ഭി​ച്ച​ത്.

സം​ഭ​വം ന​ട​ന്ന​ത് തൊ​ടു​പു​ഴ​യി​ലെ ഷൂ​ട്ടിം​ഗ് ലൊ​ക്കേ​ഷ​നി​ലാ​ണെ​ന്ന മൊ​ഴി​യു​ടെ പ​ശ്ചാ​ത്ത​ല​ത്തി​ലാ​ണ് കേ​സ് ഇ​വി​ടേ​ക്ക് മാ​റ്റി​യ​ത്. 2013 ല്‍ ​തൊ​ടു​പു​ഴ​യി​ലും സ​മീ​പ പ്ര​ദേ​ശ​ങ്ങ​ളി​ലും ജ​യ​സൂ​ര്യ നാ​യ​ക​നാ​യ സി​നി​മ​യു​ടെ ഷൂ​ട്ടിം​ഗ് ന​ട​ന്നി​രു​ന്നു. അ​ന്ന് ലൊ​ക്കേ​ഷ​നി​ല്‍ വ​ച്ച് അ​പ​മ​ര്യാ​ദ​യാ​യി പെ​രു​മാ​റു​ക​യും ക​യ​റിപ്പിടി​ക്കു​ക​യും ചെ​യ്‌​തെ​ന്നാ​ണ് ന​ടി​യു​ടെ പ​രാ​തി.

ഇ​ത്ത​രം കേ​സു​ക​ള്‍ അ​ന്വേ​ഷി​ക്കാ​ന്‍ സ​ര്‍​ക്കാ​ര്‍ നി​യോ​ഗി​ച്ച പ്ര​ത്യേ​ക സം​ഘ​ത്തി​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം ന​ട​ത്തു​ന്ന​ത്. എ​ന്നാ​ല്‍ കേ​സി​ന്‍റെ മൊ​ഴി രേ​ഖ​പ്പെ​ടു​ത്ത​ലും തെ​ളി​വെ​ടു​പ്പും തൊ​ടു​പു​ഴ​യി​ലെ പോ​ലീ​സ് സം​ഘ​മാ​കും ന​ട​ത്തു​ക. ഷൂ​ട്ടിം​ഗ് സ​മ​യം ന​ടി താ​മ​സി​ച്ചി​രു​ന്ന ഹോ​ട്ട​ലി​ലും ലൊ​ക്കേ​ഷ​നു​ക​ളി​ലും തെ​ളി​വെ​ടു​പ്പ് ന​ട​ത്തും. ഹോ​ട്ട​ലി​ല്‍ നി​ന്നു​ള്ള രേ​ഖ​ക​ളും സി​സി​ടി​വി തെ​ളി​വു​ക​ളും ശേ​ഖ​രി​ക്കാ​നും അ​ന്വേ​ഷ​ണസം​ഘം ശ്ര​മം ന​ട​ത്തും.