കോ​ട്ട​യം: കോ​ട്ട​യം ന​ഗ​ര​സ​ഭ ചെ​യ​ര്‍​പേ​ഴ്സ​ണ്‍ ബി​ന്‍​സി സെ​ബാ​സ്റ്റ്യ​നെ​തി​രേ എ​ല്‍​ഡി​എ​ഫ് കൊ​ണ്ടു വ​ന്ന അ​വി​ശ്വാ​സ​പ്ര​മേ​യം ക്വാ​റം തി​ക​യാ​ത്ത​തി​നെ​ത്തു​ട​ര്‍​ന്നു ച​ര്‍​ച്ച​യ്ക്കെ​ടു​ത്തി​ല്ല. ഇ​ന്നു രാ​വി​ലെ ഒ​മ്പ​തി​നാ​ണ് അ​വി​ശ്വാ​സം ച​ര്‍​ച്ച​യ്ക്കെ​ടു​ക്കാ​നാ​യി കൗ​ണ്‍​സി​ല്‍ യോ​ഗം ചേ​ര്‍​ന്ന​ത്.

ഭ​ര​ണ​പ​ക്ഷ​മാ​യ യു​ഡി​എ​ഫും എ​ട്ട് ബി​ജെ​പി അം​ഗ​ങ്ങ​ളം ഹാ​ജ​രാ​യി​ല്ല. ഇ​തോ​ടെ ക്വാ​റം തി​ക​യാ​ത്ത​തി​നാ​ല്‍ അ​വി​ശ്വാ​സം ച​ര്‍​ച്ച​യ്ക്കെ​ടു​ക്കാ​നാ​വി​ല്ലെ​ന്ന് വ​ര​ണാ​ധി​കാ​രി ത​ദ്ദേ​ശ സ്വ​യം​ഭ​ര​ണ വ​കു​പ്പ് ജോ​യി​ന്‍റ് ഡ​യ​റ​ക്ട​ർ ഷാ​ജി ക്ല​മ​ന്‍റ് അ​റി​യി​ച്ചു.

27 പേ​ര്‍ ഹാ​ജ​രാ​യാ​ല്‍ മാ​ത്ര​മേ ക്വാ​റം തി​ക​യു​ക​യു​ള്ളു. പ്ര​തി​പ​ക്ഷ​ത്തെ 22 പേ​ര്‍​ക്കൊ​പ്പം ബി​ജെ​പി​യു​ടെ എ​ട്ടു കൗ​ണ്‍​സി​ല​ര്‍​മാ​ര്‍ കൂ​ടി ഹാ​ജ​രാ​യെ​ങ്കി​ല്‍ ക്വാ​റം തി​ക​യു​മാ​യി​രു​ന്നു. എ​ന്നാ​ല്‍ അ​വി​ശ്വാ​സ​ത്തി​ല്‍ നി​ന്നു ബി​ജെ​പി അം​ഗ​ങ്ങ​ള്‍ വി​ട്ടു​നി​ൽ​ക്കു​ക​യാ​യി​രു​ന്നു. ബി​ജെ​പി ജി​ല്ലാ​നേ​തൃ​ത്വം ഇ​തു സം​ബ​ന്ധി​ച്ച് കൗ​ണ്‍​സി​ല​ര്‍​മാ​ര്‍​ക്ക് ബുധനാഴ്ച വി​പ്പ് ന​ല്‍​കി​യി​രു​ന്നു.

ഉ​ച്ച​ക​ഴി​ഞ്ഞ് ര​ണ്ടി​ന് വൈ​സ് ചെ​യ​ര്‍​മാ​ന്‍ ബി. ​ഗോ​പ​കു​മാ​റി​നെ​തി​രേ​യു​ള്ള അ​വി​ശ്വാ​സം ച​ര്‍​ച്ച ചെ​യ്യാ​നാ​യി കൗ​ണ്‍​സി​ല്‍ യോ​ഗം ചേ​രും. യു​ഡി​എ​ഫും ബി​ജെ​പി​യും ഉ​ച്ച​ക​ഴി​ഞ്ഞും യോ​ഗ​ത്തി​നെ​ത്തി​ല്ല. ഇ​തോ​ടെ ക്വാ​റം തി​ക​യാ​തെ അ​വി​ശ്വാ​സം ച​ര്‍​ച്ച ചെ​യ്യാ​നാ​കാ​തെ കൗ​ണ്‍​സി​ല്‍ യോ​ഗം പി​രി​ച്ചു​വി​ടാ​നാ​ണു സാ​ധ്യ​ത.

ന​ഗ​ര​സ​ഭ​യി​ലെ ക്ല​റി​ക്ക​ല്‍ ഉ​ദ്യോ​ഗ​സ്ഥ​ന്‍ പെ​ന്‍​ഷ​ന്‍ തു​ക മൂ​ന്നു കോ​ടി രൂ​പ ത​ട്ടി​യെ​ടു​ത്ത​തി​ല്‍ പ്ര​തി​ഷേ​ധി​ച്ച് ചെ​യ​ര്‍​പേ​ഴ്സ​നും വൈ​സ് ചെ​യ​ര്‍​മാ​നു​മെ​തി​രേ എ​ല്‍​ഡി​എ​ഫ് ന​ട​ത്തു​ന്ന സ​മ​ര​ത്തി​ന്‍റെ തു​ട​ര്‍​ച്ച​യാ​യി​ട്ടാ​ണ് അ​വി​ശ്വാ​സ​ത്തി​നു നോ​ട്ടീ​സ് ന​ല്‍​കി​യ​ത്. പ്ര​തി​പ​ക്ഷ നേ​താ​വ് ഷീ​ജ അ​നി​ലാ​ണ് നോ​ട്ടീ​സ് ന​ല്‍​കി​യി​രി​ക്കു​ന്ന​ത്.

ന​ഗ​ര​സ​ഭ​യി​ല്‍ ആ​കെ​യു​ള്ള 52 അം​ഗ​ങ്ങ​ളി​ല്‍ എ​ല്‍​ഡി​എ​ഫ്22, യു​ഡി​എ​ഫ് 21, ബി​ജെ​പി​എ​ട്ട്, സ്വ​ത​ന്ത്ര​ഒ​ന്ന് എ​ന്നി​ങ്ങ​നെ​യാ​ണ് ക​ക്ഷി​നി​ല. യു​ഡി​എ​ഫി​ന്‍റെ പി​ന്തു​ണ​യി​ലാ​ണ് സ്വ​ത​ന്ത്ര അം​ഗം ബി​ന്‍​സി സെ​ബാ​സ്റ്റ്യ​ന്‍ അ​ധ്യ​ക്ഷ​സ്ഥാ​ന​ത്തെ​ത്തി​യ​ത്.