ഹ​നോ​യ്: വ​ട​ക്ക​ൻ വി​യ​റ്റ്നാ​മി​ലെ പ​ർ​വ​ത​പ്ര​ദേ​ശ​ത്തു​ള്ള വ​ന​ത്തി​ൽ നാ​ലു ദി​വ​സ​മാ​യി കാ​ണാ​താ​യ ആ​റു​വ​യ​സു​കാ​ര​നെ ജീ​വ​നോ​ടെ ക​ണ്ടെ​ത്തി. ശ​നി​യാ​ഴ്ച യെ​ൻ ബാ​യ് പ്ര​വി​ശ്യ​യി​ലെ ബ​ന്ധു​വീ​ട്ടി​ലെ ആ​ഘോ​ഷ​ത്തി​ൽ പ​ങ്കെ​ടു​ക്കാ​നെ​ത്തി​യ കു​ട്ടി​യെ​യാ​ണ് കാ​ണാ​താ​യ​ത്.

ബ​ന്ധു​ക്ക​ളു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ ലാം ​ജി​യാം​ഗ് ക​മ്യൂ​ണി​ലെ പോ​ലീ​സ് തെ​ര​ച്ചി​ൽ ആ​രം​ഭി​ച്ചു. ക​ഴി​ഞ്ഞ നാ​ല് ദി​വ​സ​ങ്ങ​ളി​ലാ​യി 200-ല​ധി​കം ആ​ളു​ക​ൾ ആ​ൺ​കു​ട്ടി​ക്കാ​യി തെ​ര​ച്ചി​ൽ ന​ട​ത്തി വ​രി​ക​യാ​യി​രു​ന്നു. തു​ട​ർ​ന്ന് കു​ട്ടി​യെ ബു​ധ​നാ​ഴ്ച​യാ​ണ് ക​ണ്ടെ​ത്തി​യ​ത്.

ക​ണ്ടെ​ത്തി​യ​പ്പോ​ൾ കു​ട്ടി അ​വ​ശ​നി​ല​യി​ലാ​യി​രു​ന്നു. ര​ക്ഷാ​പ്ര​വ​ർ​ത്ത​ക​ർ കു​ട്ടി​ക്ക് ക​ഴി​ക്കാ​ൻ ഭ​ക്ഷ​ണം ന​ൽ​കി​യെ​ന്നും കു​ട്ടി നി​ല​വി​ൽ സു​ഖ​മാ​യി​രി​ക്കു​ന്നു​വെ​ന്നും പോ​ലീ​സ് അ​റി​യി​ച്ചു. കാ​ട്ടി​ൽ നി​ന്നും ഒ​രാ​ൾ കു​ട്ടി​യു​ടെ ക​ര​ച്ചി​ൽ കേ​ട്ടു​വെ​ന്നും തെ​ര​ഞ്ഞ് ചെ​ന്ന​പ്പോ​ൾ കു​ട്ടി ചെ​ളി​യി​ൽ പു​ത​ഞ്ഞു​കി​ട​ക്കു​ന്ന നി​ല​യി​ലാ​യി​രു​ന്നു​വെ​ന്നും അ​ധി​കൃ​ത​ർ പ​റ​ഞ്ഞു.