അ​ഗ​ർ​ത്ത​ല: ബം​ഗ്ലാ​ദേ​ശ് ജ​യി​ലി​ൽ 36 വ​ർ​ഷ​ത്തെ ത​ട​വ്ശി​ക്ഷ അ​നു​ഭ​വി​ച്ച ശേ​ഷം 62 കാ​ര​നാ​യ ഇ​ന്ത്യ​ക്കാ​ര​ൻ ചൊ​വ്വാ​ഴ്ച ത്രി​പു​ര​യി​ൽ തി​രി​ച്ചെ​ത്തി.

ബം​ഗ്ലാ​ദേ​ശ് പോ​ലീ​സും ബോ​ർ​ഡ​ർ ഗാ​ർ​ഡ് ബം​ഗ്ലാ​ദേ​ശും (ബി​ജി​ബി) ബി​ലാ​ഷ് എ​ന്ന ഷാ​ജ​ഹാ​ൻ മി​യ​യെ കൈ​മാ​റി​യ​താ​യി ഒ​രു പോ​ലീ​സ് ഉ​ദ്യോ​ഗ​സ്ഥ​ൻ പ​റ​ഞ്ഞു. ബോ​ർ​ഡ​ർ സെ​ക്യൂ​രി​റ്റി ഫോ​ഴ്‌​സും (ബി​എ​സ്എ​ഫ്) ത്രി​പു​ര പോ​ലീ​സും ശ്രീ​മ​ന്ത​പൂ​ർ - ബി​ബി​ർ ബ​സാ​ർ (ബം​ഗ്ലാ​ദേ​ശ്) ചെ​ക്ക് പോ​സ്റ്റി​ൽ വ​ച്ചാ​ണ് ഷാ​ജ​ഹാ​നെ സ്വീ​ക​രി​ച്ച​ത്.

1988ൽ ​ബം​ഗ്ലാ​ദേ​ശി​ലെ കൊ​മി​ല്ല ജി​ല്ല​യി​ലു​ള്ള മാ​മ​നെ സ​ന്ദ​ർ​ശി​ക്കാ​ൻ പാ​സ്‌​പോ​ർ​ട്ടോ സാ​ധു​വാ​യ രേ​ഖ​ക​ളോ ഇ​ല്ലാ​തെ​യാ​ണ് ഷാ​ജ​ഹാ​ൻ മി​യ ബം​ഗ്ലാ​ദേ​ശി​ലേ​ക്ക് പോ​യ​തെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു.

ഷാ​ജ​ഹാ​ൻ മി​യ​യെ ബം​ഗ്ലാ​ദേ​ശ് പോ​ലീ​സ് അ​തി​ക്ര​മി​ച്ച് ക​ട​ന്ന​യാ​ളെ​ന്ന് മു​ദ്ര​കു​ത്തി ക​ള്ള​ക്കേ​സി​ൽ​പ്പെ​ടു​ത്തി അ​റ​സ്റ്റ് ചെ​യ്യു​ക​യും ജ​യി​ലി​ൽ അ​ട​യ്ക്കു​ക​യു​മാ​യി​രു​ന്നു. 11 വ​ർ​ഷ​ത്തെ ജ​യി​ൽ ശി​ക്ഷ​യാ​ണ് കോ​ട​തി വി​ധി​ച്ച​ത്. എ​ന്നാ​ൽ ശി​ക്ഷ​യു​ടെ കാ​ലാ​വ​ധി ക​ഴി​ഞ്ഞി​ട്ടും അ​ദ്ദേ​ഹ​ത്തെ മോ​ചി​പ്പി​ക്കാ​ൻ ബം​ഗ്ലാ​ദേ​ശ് ത​യാ​റാ​യി​ല്ല.

അ​ഗ​ർ​ത്ത​ല ആ​സ്ഥാ​ന​മാ​യു​ള്ള ഒ​രു ഫൗ​ണ്ടേ​ഷ​നാ​ണ് ഷാ​ജ​ഹാ​ന്‍റെ മോ​ച​ന​ത്തി​ന് വ​ഴി​യൊ​രു​ക്കി​യ​ത്. ഇ​ന്ത്യ​യി​ലെ​ത്തി​യ ഷാ​ജ​ഹാ​ൻ സെ​പാ​ഹി​ജാ​ല ജി​ല്ല​യി​ലെ സോ​ന​മു​റ സ​ബ് ഡി​വി​ഷ​നി​ലെ അ​തി​ർ​ത്തി​യി​ലു​ള്ള ദു​ർ​ഗാ​പൂ​രി​ലെ വീ​ട്ടി​ലേ​ക്ക് മ​ട​ങ്ങി.