ഹേമ കമ്മീഷൻ റിപ്പോർട്ട്; മൊഴി നൽകിയവർക്ക് എല്ലാ പിന്തുണയുമെന്ന് ആസിഫ് അലി
Tuesday, August 20, 2024 1:21 AM IST
തിരുവനന്തപുരം: ഹേമ കമ്മീഷൻ റിപ്പോർട്ടില് പീഡിപ്പിക്കപ്പെട്ടവരെന്നു പറയുന്നവർക്ക് തന്റെ എല്ലാ പിന്തുണയുമുണ്ടാകുമെന്ന് നടൻ ആസിഫ് അലി. റിപ്പോർട്ടിനെ കുറിച്ചുള്ള കൂടുതല് വിവരങ്ങള് ലഭിച്ചിട്ടില്ലെന്നും അദ്ദേഹം പറഞ്ഞു.
മലയാള സിനിമയില് ആരും ചുഷണം ചെയ്യപ്പെടരുത്. നടിമാർ ഉള്പ്പെടെ എല്ലാവർക്കും തുല്യത വേണം. ഹേമ കമ്മിറ്റി റിപ്പോർട്ടിനെ താൻ പിൻതുണയ്ക്കുന്നു.
കമ്മിറ്റിക്ക് മുന്നിൽ മൊഴി നൽകിയവരെ ബഹുമാനിക്കുന്നു. അവര്ക്ക് എല്ലാ പിന്തുണയും നല്കുമെന്ന് അദ്ദേഹം അറിയിച്ചു.
ഇതിലെ കുറച്ചു ഭാഗങ്ങള് മാത്രമേ കാണാൻ കഴിഞ്ഞിട്ടുള്ളു. വിശദമായ വിവരങ്ങള് മനസിലാക്കിയതിനു ശേഷം പ്രതികരിക്കുമെന്നും ആസിഫ് അലി പറഞ്ഞു.